1.3.2 ပစ္စယပစ္စနီယ
သိယာ ကုသလံ ဓမ္မံ ပဋိစ္စ ကုသလော ဓမ္မော ဥပ္ပဇ္ဇေယျ နဟေတုပစ္စယာ.
(ယထာ အနုလောမေ ဟေတုပစ္စယော ဝိတ္ထာရိတော, ဧဝံ ပစ္စနီယေပိ နဟေတုပစ္စယော ဝိတ္ထာရေတဗ္ဗော.)
သိယာ ကုသလံ ဓမ္မံ ပဋိစ္စ ကုသလော ဓမ္မော ဥပ္ပဇ္ဇေယျ နအာရမ္မဏပစ္စယာ… နအဓိပတိပစ္စယာ… နအနန္တရပစ္စယာ… နသမနန္တရပစ္စယာ… နသဟဇာတပစ္စယာ… နအညမညပစ္စယာ… နနိဿယပစ္စယာ… နော်ပနိဿယပစ္စယာ… နပုရေဇာတပစ္စယာ… နပစ္ဆာဇာတပစ္စယာ… နအာသေဝနပစ္စယာ… နကမ္မပစ္စယာ… နဝိပါကပစ္စယာ… နအာဟာရပစ္စယာ… နဲန္ဒြိယပစ္စယာ… နဈာနပစ္စယာ… နမဂ္ဂပစ္စယာ… နသမ္ပယုတ္တပစ္စယာ… နဝိပ္ပယုတ္တပစ္စယာ… နောအတ္ထိပစ္စယာ… နောနတ္ထိပစ္စယာ… နောဝိဂတပစ္စယာ… နောအဝိဂတပစ္စယာ.
သိယာ ကုသလံ ဓမ္မံ ပဋိစ္စ ကုသလော ဓမ္မော ဥပ္ပဇ္ဇေယျ နဟေတုပစ္စယာ နအာရမ္မဏပစ္စယာ… .
(ယထာ အနုလောမေ ဧကေကဿ ပဒဿ ဧကမူလကံ, ဒုမူလကံ, တိမူလကံ, စတုမူလကံ, ယာဝ တေဝီသတိမူလကံ ဧဝံ ပစ္စနီယေပိ ဝိတ္ထာရေတဗ္ဗံ.)
တိကဉ္စ ပဋ္ဌာနဝရံ ဒုကုတ္တမံ,
ဒုကံ တိကဉ္စေဝ တိကံ ဒုကဉ္စ;
တိကံ တိကဉ္စေဝ ဒုကံ ဒုကဉ္စ,
ဆ ပစ္စနီယမှိ နယာ သုဂမ္ဘီရာတိ. (2)