71 သရဏဒုက, ဝေဒနာတ္တိက
သရဏံ သုခါယ ဝေဒနာယ သမ္ပယုတ္တံ ဓမ္မံ ပဋိစ္စ နသရဏော နသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. သရဏံ သုခါယ ဝေဒနာယ သမ္ပယုတ္တံ ဓမ္မံ ပဋိစ္စ နအရဏော နသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. သရဏံ သုခါယ ဝေဒနာယ သမ္ပယုတ္တံ ဓမ္မံ ပဋိစ္စ နသရဏော နသုခါယ ဝေဒနာယ သမ္ပယုတ္တော စ နအရဏော နသုခါယ ဝေဒနာယ သမ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ. (3)
အရဏံ သုခါယ ဝေဒနာယ သမ္ပယုတ္တံ ဓမ္မံ ပဋိစ္စ နသရဏော နသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. (1) (သံခိတ္တံ.)
ဟေတုယာ စတ္တာရိ, အာရမ္မဏေ ဒွေ …ပေ… ဝိပါကေ ဧကံ …ပေ… အဝိဂတေ စတ္တာရိ.
သရဏံ ဒုက္ခာယ ဝေဒနာယ သမ္ပယုတ္တံ ဓမ္မံ ပဋိစ္စ နသရဏော နဒုက္ခာယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.)
ဟေတုယာ တီဏိ, အာရမ္မဏေ ဒွေ …ပေ… ဝိပါကေ ဧကံ …ပေ… အဝိဂတေ တီဏိ.
သရဏံ အဒုက္ခမသုခါယ ဝေဒနာယ သမ္ပယုတ္တံ ဓမ္မံ ပဋိစ္စ နသရဏော နအဒုက္ခမသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ… .
ဟေတုယာ စတ္တာရိ, အာရမ္မဏေ ဒွေ …ပေ… ဝိပါကေ ဧကံ …ပေ… အဝိဂတေ စတ္တာရိ.