နဟေတု-နအာရမ္မဏ
Review
- နဟေတု-နအာရမ္မဏ
103.
282
အရဏံ အနိဒဿနအပ္ပဋိဃံ ဓမ္မံ ပဋိစ္စ နသရဏော နအနိဒဿနအပ္ပဋိဃော ဓမ္မော ဥပ္ပဇ္ဇတိ နဟေတုပစ္စယာ. (1)
283
သရဏံ အနိဒဿနအပ္ပဋိဃံ ဓမ္မံ ပဋိစ္စ နသရဏော နအနိဒဿနအပ္ပဋိဃော ဓမ္မော ဥပ္ပဇ္ဇတိ နအာရမ္မဏပစ္စယာ. (သံခိတ္တံ.)
284
နဟေတုယာ ဧကံ, နအာရမ္မဏေ တီဏိ …ပေ… နကမ္မေ ဧကံ …ပေ… နအာဟာရေ နဲန္ဒြိယေ နဈာနေ နမဂ္ဂေ ဧကံ …ပေ… နဝိပ္ပယုတ္တေ ဧကံ …ပေ… နောဝိဂတေ တီဏိ.
285
(သဟဇာတဝါရမ္ပိ …ပေ… သမ္ပယုတ္တဝါရမ္ပိ ပဋိစ္စဝါရသဒိသံ.)
104.
286
သရဏော အနိဒဿနအပ္ပဋိဃော ဓမ္မော နသရဏဿ နအနိဒဿနအပ္ပဋိဃဿ ဓမ္မဿ ဟေတုပစ္စယေန ပစ္စယော. (1)
287
အရဏော အနိဒဿနအပ္ပဋိဃော ဓမ္မော နသရဏဿ နအနိဒဿနအပ္ပဋိဃဿ ဓမ္မဿ ဟေတုပစ္စယေန ပစ္စယော. (1) (သံခိတ္တံ.)
288
ဟေတုယာ ဒွေ, အဓိပတိယာ ဒွေ, သဟဇာတေ နိဿယေ တီဏိ, ပစ္ဆာဇာတေ ကမ္မေ ဒွေ, ဝိပါကေ ဧကံ, အာဟာရေ ဣန္ဒြိယေ ဈာနေ မဂ္ဂေ ဝိပ္ပယုတ္တေ ဒွေ …ပေ… အဝိဂတေ တီဏိ.