11 ကုသလတ္တိက, လောကိယဒုက
အဗျာကတံ လောကိယံ ဓမ္မံ ပစ္စယာ နအဗျာကတော နလောကိယော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ လောကိယံ ဓမ္မံ ပစ္စယာ နကုသလော နလောကိယော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ လောကိယံ ဓမ္မံ ပစ္စယာ နအကုသလော နလောကိယော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ လောကိယံ ဓမ္မံ ပစ္စယာ နအကုသလော နလောကိယော စ နအဗျာကတော နလောကိယော စ ဓမ္မာ ဥပ္ပဇ္ဇန္တိ ဟေတုပစ္စယာ. အဗျာကတံ လောကိယံ ဓမ္မံ ပစ္စယာ နကုသလော နလောကိယော စ နအကုသလော နလောကိယော စ ဓမ္မာ ဥပ္ပဇ္ဇန္တိ ဟေတုပစ္စယာ. ဟေတုယာ ပဉ္စ …ပေ… ဝိပါကေ တီဏိ …ပေ… အဝိဂတေ ပဉ္စ.
ကုသလံ လောကုတ္တရံ ဓမ္မံ ပဋိစ္စ နကုသလော နလောကုတ္တရော ဓမ္မော ဥပ္ပဇ္ဇတိ ဟေတုပစ္စယာ. ကုသလံ လောကုတ္တရံ ဓမ္မံ ပဋိစ္စ နအကုသလော နလောကုတ္တရော ဓမ္မော ဥပ္ပဇ္ဇတိ ဟေတုပစ္စယာ. ကုသလံ လောကုတ္တရံ ဓမ္မံ ပဋိစ္စ နကုသလော နလောကုတ္တရော စ နအကုသလော နလောကုတ္တရော စ ဓမ္မာ ဥပ္ပဇ္ဇန္တိ ဟေတုပစ္စယာ… တီဏိ.
အဗျာကတံ လောကုတ္တရံ ဓမ္မံ ပဋိစ္စ နကုသလော နလောကုတ္တရော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ လောကုတ္တရံ ဓမ္မံ ပဋိစ္စ နအကုသလော နလောကုတ္တရော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ လောကုတ္တရံ ဓမ္မံ ပဋိစ္စ နကုသလော နလောကုတ္တရော စ နအကုသလော နလောကုတ္တရော စ ဓမ္မာ ဥပ္ပဇ္ဇန္တိ ဟေတုပစ္စယာ… တီဏိ. (သံခိတ္တံ.)
ဟေတုယာ ဆ …ပေ… ဝိပါကေ တီဏိ …ပေ… အဝိဂတေ ဆ.