15 ကုသလတ္တိက, သာရမ္မဏဒုက
ကုသလံ သာရမ္မဏံ ဓမ္မံ ပဋိစ္စ နကုသလော နသာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. ကုသလံ သာရမ္မဏံ ဓမ္မံ ပဋိစ္စ နအကုသလော နသာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. ကုသလံ သာရမ္မဏံ ဓမ္မံ ပဋိစ္စ နကုသလော နသာရမ္မဏော စ နအကုသလော နသာရမ္မဏော စ ဓမ္မာ ဥပ္ပဇ္ဇန္တိ ဟေတုပစ္စယာ… တီဏိ.
အကုသလံ သာရမ္မဏံ ဓမ္မံ ပဋိစ္စ နအကုသလော နသာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. အကုသလံ သာရမ္မဏံ ဓမ္မံ ပဋိစ္စ နကုသလော နသာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. အကုသလံ သာရမ္မဏံ ဓမ္မံ ပဋိစ္စ နကုသလော နသာရမ္မဏော စ နအကုသလော နသာရမ္မဏော စ ဓမ္မာ ဥပ္ပဇ္ဇန္တိ ဟေတုပစ္စယာ… တီဏိ.
အဗျာကတံ သာရမ္မဏံ ဓမ္မံ ပဋိစ္စ နကုသလော နသာရမ္မဏော ဓမ္မော ဥပ္ပဇ္ဇတိ ဟေတုပစ္စယာ… တီဏိ. (သံခိတ္တံ.)
ဟေတုယာ နဝ, အဓိပတိယာ နဝ …ပေ… အညမညေ တီဏိ …ပေ… ဝိပါကေ တီဏိ …ပေ… အဝိဂတေ နဝ.
အဗျာကတံ အနာရမ္မဏံ ဓမ္မံ ပဋိစ္စ နကုသလော နအနာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ အနာရမ္မဏံ ဓမ္မံ ပဋိစ္စ နအကုသလော နအနာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ အနာရမ္မဏံ ဓမ္မံ ပဋိစ္စ နကုသလော နအနာရမ္မဏော စ နအကုသလော နအနာရမ္မဏော စ ဓမ္မာ ဥပ္ပဇ္ဇန္တိ ဟေတုပစ္စယာ. (သံခိတ္တံ.)
ဟေတုယာ တီဏိ …ပေ… အဝိဂတေ တီဏိ.