16 ကုသလတ္တိက, စိတ္တဒုက
ကုသလံ စိတ္တံ ဓမ္မံ ပဋိစ္စ နကုသလော နစိတ္တော ဓမ္မော ဥပ္ပဇ္ဇတိ ဟေတုပစ္စယာ. ကုသလံ စိတ္တံ ဓမ္မံ ပဋိစ္စ နအကုသလော နစိတ္တော ဓမ္မော ဥပ္ပဇ္ဇတိ ဟေတုပစ္စယာ. ကုသလံ စိတ္တံ ဓမ္မံ ပဋိစ္စ နအဗျာကတော နစိတ္တော ဓမ္မော ဥပ္ပဇ္ဇတိ ဟေတုပစ္စယာ. ကုသလံ စိတ္တံ ဓမ္မံ ပဋိစ္စ နအကုသလော နစိတ္တော စ နအဗျာကတော နစိတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ. ကုသလံ စိတ္တံ ဓမ္မံ ပဋိစ္စ နကုသလော နစိတ္တော စ နအကုသလော နစိတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ… ပဉ္စ.
အကုသလံ စိတ္တံ ဓမ္မံ ပဋိစ္စ နအကုသလော နစိတ္တော ဓမ္မော ဥပ္ပဇ္ဇတိ ဟေတုပစ္စယာ. အကုသလံ စိတ္တံ ဓမ္မံ ပဋိစ္စ နကုသလော နစိတ္တော ဓမ္မော ဥပ္ပဇ္ဇတိ ဟေတုပစ္စယာ. အကုသလံ စိတ္တံ ဓမ္မံ ပဋိစ္စ နအဗျာကတော နစိတ္တော ဓမ္မော ဥပ္ပဇ္ဇတိ ဟေတုပစ္စယာ. အကုသလံ စိတ္တံ ဓမ္မံ ပဋိစ္စ နကုသလော နစိတ္တော စ နအဗျာကတော နစိတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ. အကုသလံ စိတ္တံ ဓမ္မံ ပဋိစ္စ နကုသလော နစိတ္တော စ နအကုသလော နစိတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ… ပဉ္စ.
အဗျာကတံ စိတ္တံ ဓမ္မံ ပဋိစ္စ နကုသလော နစိတ္တော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ စိတ္တံ ဓမ္မံ ပဋိစ္စ နအကုသလော နစိတ္တော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ စိတ္တံ ဓမ္မံ ပဋိစ္စ နကုသလော နစိတ္တော စ နအကုသလော နစိတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ… တီဏိ. (သံခိတ္တံ.)
ဟေတုယာ တေရသ, အာရမ္မဏေ နဝ …ပေ… ဝိပါကေ တီဏိ …ပေ… အဝိဂတေ တေရသ.
ကုသလံ နောစိတ္တံ ဓမ္မံ ပဋိစ္စ နအကုသလော နနောစိတ္တော ဓမ္မော ဥပ္ပဇ္ဇတိ ဟေတုပစ္စယာ. ကုသလံ နောစိတ္တံ ဓမ္မံ ပဋိစ္စ နအဗျာကတော နနောစိတ္တော ဓမ္မော ဥပ္ပဇ္ဇတိ ဟေတုပစ္စယာ. ကုသလံ နောစိတ္တံ ဓမ္မံ ပဋိစ္စ နအကုသလော နနောစိတ္တော စ နအဗျာကတော နနောစိတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ… တီဏိ.
အကုသလံ နောစိတ္တံ ဓမ္မံ ပဋိစ္စ နကုသလော နနောစိတ္တော ဓမ္မော ဥပ္ပဇ္ဇတိ ဟေတုပစ္စယာ. အကုသလံ နောစိတ္တံ ဓမ္မံ ပဋိစ္စ နအဗျာကတော နနောစိတ္တော ဓမ္မော ဥပ္ပဇ္ဇတိ ဟေတုပစ္စယာ. အကုသလံ နောစိတ္တံ ဓမ္မံ ပဋိစ္စ နကုသလော နနောစိတ္တော စ နအဗျာကတော နနောစိတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ… တီဏိ.
အဗျာကတာနိ တီဏိ. (သံခိတ္တံ.)
ဟေတုယာ နဝ …ပေ… ဝိပါကေ တီဏိ …ပေ… အဝိဂတေ နဝ.