20 ကုသလတ္တိက, စိတ္တသမုဋ္ဌာနဒုက
ကုသလံ စိတ္တသမုဋ္ဌာနံ ဓမ္မံ ပဋိစ္စ နအကုသလော နစိတ္တသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ. ကုသလံ စိတ္တသမုဋ္ဌာနံ ဓမ္မံ ပဋိစ္စ နအဗျာကတော နစိတ္တသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ. ကုသလံ စိတ္တသမုဋ္ဌာနံ ဓမ္မံ ပဋိစ္စ နအကုသလော နစိတ္တသမုဋ္ဌာနော စ နအဗျာကတော နစိတ္တသမုဋ္ဌာနော စ ဓမ္မာ ဥပ္ပဇ္ဇန္တိ ဟေတုပစ္စယာ… တီဏိ.
အကုသလံ စိတ္တသမုဋ္ဌာနံ ဓမ္မံ ပဋိစ္စ နကုသလော နစိတ္တသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ. အကုသလံ စိတ္တသမုဋ္ဌာနံ ဓမ္မံ ပဋိစ္စ နအဗျာကတော နစိတ္တသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ. အကုသလံ စိတ္တသမုဋ္ဌာနံ ဓမ္မံ ပဋိစ္စ နကုသလော နစိတ္တသမုဋ္ဌာနော စ နအဗျာကတော နစိတ္တသမုဋ္ဌာနော စ ဓမ္မာ ဥပ္ပဇ္ဇန္တိ ဟေတုပစ္စယာ… တီဏိ.
အဗျာကတံ စိတ္တသမုဋ္ဌာနံ ဓမ္မံ ပဋိစ္စ နကုသလော နစိတ္တသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ… တီဏိ. (သံခိတ္တံ.)
ဟေတုယာ နဝ …ပေ… ဝိပါကေ တီဏိ …ပေ… အဝိဂတေ နဝ.
ကုသလံ နောစိတ္တသမုဋ္ဌာနံ ဓမ္မံ ပဋိစ္စ နကုသလော နနောစိတ္တသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ… ပဉ္စ.
အကုသလံ နောစိတ္တသမုဋ္ဌာနံ ဓမ္မံ ပဋိစ္စ နအကုသလော နနောစိတ္တသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ… ပဉ္စ.
အဗျာကတံ နောစိတ္တသမုဋ္ဌာနံ ဓမ္မံ ပဋိစ္စ နကုသလော နနောစိတ္တသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ… တီဏိ. (သံခိတ္တံ.)
ဟေတုယာ တေရသ, အာရမ္မဏေ နဝ …ပေ… ဝိပါကေ တီဏိ …ပေ… အဝိဂတေ တေရသ.