46 သနိဒဿနတ္တိက, ဟေတုဒုက
Review
88.
223
အနိဒဿနအပ္ပဋိဃံ ဟေတုံ ဓမ္မံ ပဋိစ္စ နအနိဒဿနအပ္ပဋိဃော နဟေတု ဓမ္မော ဥပ္ပဇ္ဇတိ ဟေတုပစ္စယာ. အနိဒဿနအပ္ပဋိဃံ ဟေတုံ ဓမ္မံ ပဋိစ္စ နသနိဒဿနသပ္ပဋိဃော နဟေတု ဓမ္မော ဥပ္ပဇ္ဇတိ ဟေတုပစ္စယာ …ပေ… အနိဒဿနအပ္ပဋိဃံ ဟေတုံ ဓမ္မံ ပဋိစ္စ နသနိဒဿနသပ္ပဋိဃော နဟေတု စ နအနိဒဿနသပ္ပဋိဃော နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. (သံခိတ္တံ.) ဟေတုယာ ဆ, အာရမ္မဏေ တီဏိ …ပေ… အဝိဂတေ ဆ.
89.
224
အနိဒဿနအပ္ပဋိဃံ နဟေတုံ ဓမ္မံ ပဋိစ္စ နသနိဒဿနသပ္ပဋိဃော နနဟေတု ဓမ္မော ဥပ္ပဇ္ဇတိ ဟေတုပစ္စယာ. အနိဒဿနအပ္ပဋိဃံ နဟေတုံ ဓမ္မံ ပဋိစ္စ နအနိဒဿနသပ္ပဋိဃော နနဟေတု ဓမ္မော ဥပ္ပဇ္ဇတိ ဟေတုပစ္စယာ. အနိဒဿနအပ္ပဋိဃံ နဟေတုံ ဓမ္မံ ပဋိစ္စ နသနိဒဿနသပ္ပဋိဃော နနဟေတု စ နအနိဒဿနသပ္ပဋိဃော နနဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. (သံခိတ္တံ.) ဟေတုယာ တီဏိ …ပေ… အဝိဂတေ တီဏိ.