55 သနိဒဿနတ္တိက, ရူပီဒုက
Review
98.
241
အနိဒဿနအပ္ပဋိဃံ ရူပိံ ဓမ္မံ ပဋိစ္စ နသနိဒဿနသပ္ပဋိဃော နရူပီ ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ …ပေ… အဝိဂတေ တီဏိ.
242
အနိဒဿနအပ္ပဋိဃံ အရူပိံ ဓမ္မံ ပဋိစ္စ နအနိဒဿနအပ္ပဋိဃော နအရူပီ ဓမ္မော ဥပ္ပဇ္ဇတိ ဟေတုပစ္စယာ. အနိဒဿနအပ္ပဋိဃံ အရူပိံ ဓမ္မံ ပဋိစ္စ နသနိဒဿနသပ္ပဋိဃော နအရူပီ ဓမ္မော ဥပ္ပဇ္ဇတိ ဟေတုပစ္စယာ …ပေ… အနိဒဿနအပ္ပဋိဃံ အရူပိံ ဓမ္မံ ပဋိစ္စ နသနိဒဿနသပ္ပဋိဃော နအရူပီ စ နအနိဒဿနသပ္ပဋိဃော နအရူပီ စ ဓမ္မာ ဥပ္ပဇ္ဇန္တိ ဟေတုပစ္စယာ. (သံခိတ္တံ.) ဟေတုယာ ဆ, အဓိပတိယာ ဆ …ပေ… အညမညေ တီဏိ …ပေ… အဝိဂတေ ဆ.