57 သနိဒဿနတ္တိက, ကေနစိဝိညေယျဒုက
အနိဒဿနသပ္ပဋိဃံ ကေနစိ ဝိညေယျံ ဓမ္မံ ပဋိစ္စ နအနိဒဿနသပ္ပဋိဃော နကေနစိ ဝိညေယျော ဓမ္မော ဥပ္ပဇ္ဇတိ ဟေတုပစ္စယာ. အနိဒဿနသပ္ပဋိဃံ ကေနစိ ဝိညေယျံ ဓမ္မံ ပဋိစ္စ နသနိဒဿနသပ္ပဋိဃော နကေနစိ ဝိညေယျော ဓမ္မော ဥပ္ပဇ္ဇတိ ဟေတုပစ္စယာ. အနိဒဿနသပ္ပဋိဃံ ကေနစိ ဝိညေယျံ ဓမ္မံ ပဋိစ္စ နအနိဒဿနအပ္ပဋိဃော နကေနစိ ဝိညေယျော ဓမ္မော ဥပ္ပဇ္ဇတိ ဟေတုပစ္စယာ …ပေ… အနိဒဿနသပ္ပဋိဃံ ကေနစိ ဝိညေယျံ ဓမ္မံ ပဋိစ္စ နသနိဒဿနသပ္ပဋိဃော နကေနစိ ဝိညေယျော စ နအနိဒဿနသပ္ပဋိဃော နကေနစိ ဝိညေယျော စ ဓမ္မာ ဥပ္ပဇ္ဇန္တိ ဟေတုပစ္စယာ… ဆ.
အနိဒဿနအပ္ပဋိဃံ ကေနစိ ဝိညေယျံ ဓမ္မံ ပဋိစ္စ နအနိဒဿနအပ္ပဋိဃော နကေနစိ ဝိညေယျော ဓမ္မော ဥပ္ပဇ္ဇတိ ဟေတုပစ္စယာ… ဆ.
အနိဒဿနသပ္ပဋိဃံ ကေနစိ ဝိညေယျဉ္စ အနိဒဿနအပ္ပဋိဃံ ကေနစိ ဝိညေယျဉ္စ ဓမ္မံ ပဋိစ္စ နသနိဒဿနသပ္ပဋိဃော နကေနစိ ဝိညေယျော ဓမ္မော ဥပ္ပဇ္ဇတိ ဟေတုပစ္စယာ… ဆ. (သံခိတ္တံ.) ဟေတုယာ အဋ္ဌာရသ, အာရမ္မဏေ တီဏိ …ပေ… အညမညေ ပန္နရသ …ပေ… အဝိဂတေ အဋ္ဌာရသ.
အနိဒဿနသပ္ပဋိဃံ ကေနစိ ဝိညေယျံ ဓမ္မံ ပဋိစ္စ နသနိဒဿနသပ္ပဋိဃော နနကေနစိ ဝိညေယျော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ အဋ္ဌာရသ, အာရမ္မဏေ တီဏိ …ပေ… အညမညေ ပန္နရသ …ပေ… အဝိဂတေ အဋ္ဌာရသ.