6 ကုသလတ္တိက, ဟေတုသဟေတုကဒုက
ကုသလံ နဟေတုံ သဟေတုကံ ဓမ္မံ ပဋိစ္စ နကုသလော နဟေတု နသဟေတုကော ဓမ္မော ဥပ္ပဇ္ဇတိ ဟေတုပစ္စယာ. ကုသလံ နဟေတုံ သဟေတုကံ ဓမ္မံ ပဋိစ္စ နအကုသလော နဟေတု နသဟေတုကော ဓမ္မော ဥပ္ပဇ္ဇတိ ဟေတုပစ္စယာ. ကုသလံ နဟေတုံ သဟေတုကံ ဓမ္မံ ပဋိစ္စ နကုသလော နဟေတု နသဟေတုကော စ နအကုသလော နဟေတု နသဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ… တီဏိ.
အကုသလံ နဟေတုံ သဟေတုကံ… တီဏိ.
အဗျာကတံ နဟေတုံ သဟေတုကံ ဓမ္မံ ပဋိစ္စ နကုသလော …ပေ… နအကုသလော …ပေ… နကုသလော နဟေတု နသဟေတုကော စ နအကုသလော နဟေတု နသဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ… တီဏိ.
ဟေတုယာ နဝ …ပေ… အညမညေ တီဏိ …ပေ… ဝိပါကေ တီဏိ …ပေ… အဝိဂတေ နဝ.
အဗျာကတံ နဟေတုံ အဟေတုကံ ဓမ္မံ ပဋိစ္စ နကုသလော နဟေတု နအဟေတုကော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ နဟေတုံ အဟေတုကံ ဓမ္မံ ပဋိစ္စ နအကုသလော နဟေတု နအဟေတုကော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ နဟေတုံ အဟေတုကံ ဓမ္မံ ပဋိစ္စ နကုသလော နဟေတု နအဟေတုကော စ နအကုသလော နဟေတု နအဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ. (3)
ဟေတုယာ တီဏိ …ပေ… အဝိဂတေ တီဏိ.
ဟေတုဂေါစ္ဆကံ နိဋ္ဌိတံ.