61 သနိဒဿနတ္တိက, အာသဝသာသဝဒုက
အနိဒဿနအပ္ပဋိဃံ အာသဝဉ္စေဝ သာသဝဉ္စ ဓမ္မံ ပဋိစ္စ နအနိဒဿနအပ္ပဋိဃော နအာသဝေါ စေဝ နအနာသဝေါ စ ဓမ္မော ဥပ္ပဇ္ဇတိ ဟေတုပစ္စယာ. အနိဒဿနအပ္ပဋိဃံ အာသဝဉ္စေဝ သာသဝဉ္စ ဓမ္မံ ပဋိစ္စ နသနိဒဿနသပ္ပဋိဃော နအာသဝေါ စေဝ နအနာသဝေါ စ ဓမ္မော ဥပ္ပဇ္ဇတိ ဟေတုပစ္စယာ …ပေ… အနိဒဿနအပ္ပဋိဃံ အာသဝဉ္စေဝ သာသဝဉ္စ ဓမ္မံ ပဋိစ္စ နသနိဒဿနသပ္ပဋိဃော နအာသဝေါ စေဝ နအနာသဝေါ စ နအနိဒဿနသပ္ပဋိဃော နအာသဝေါ စေဝ နအနာသဝေါ စ ဓမ္မာ ဥပ္ပဇ္ဇန္တိ ဟေတုပစ္စယာ. (သံခိတ္တံ.) ဟေတုယာ ဆ, အာရမ္မဏေ တီဏိ …ပေ… အဝိဂတေ ဆ.
အနိဒဿနအပ္ပဋိဃံ သာသဝဉ္စေဝ နော စ အာသဝံ ဓမ္မံ ပဋိစ္စ နသနိဒဿနသပ္ပဋိဃော နအနာသဝေါ စေဝ နနောအာသဝေါ စ ဓမ္မော ဥပ္ပဇ္ဇတိ ဟေတုပစ္စယာ. အနိဒဿနအပ္ပဋိဃံ သာသဝဉ္စေဝ နော စ အာသဝံ ဓမ္မံ ပဋိစ္စ နအနိဒဿနသပ္ပဋိဃော နအနာသဝေါ စေဝ နနော စ အာသဝေါ ဓမ္မော ဥပ္ပဇ္ဇတိ ဟေတုပစ္စယာ. အနိဒဿနသပ္ပဋိဃံ သာသဝဉ္စေဝ နော စ အာသဝံ ဓမ္မံ ပဋိစ္စ နသနိဒဿနသပ္ပဋိဃော နအနာသဝေါ စေဝ နနော စ အာသဝေါ နအနိဒဿနသပ္ပဋိဃော နအနာသဝေါ စေဝ နနော အာသဝေါ စ ဓမ္မာ ဥပ္ပဇ္ဇန္တိ ဟေတုပစ္စယာ. (သံခိတ္တံ.) ဟေတုယာ တီဏိ …ပေ… အဝိဂတေ တီဏိ.