62 သနိဒဿနတ္တိက, အာသဝအာသဝသမ္ပယုတ္တဒုက
Review
105.
257
အနိဒဿနအပ္ပဋိဃံ အာသဝဉ္စေဝ အာသဝသမ္ပယုတ္တဉ္စ ဓမ္မံ ပဋိစ္စ နသနိဒဿနသပ္ပဋိဃော နအာသဝေါ စေဝ နအာသဝဝိပ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ. အနိဒဿနအပ္ပဋိဃံ အာသဝဉ္စေဝ အာသဝသမ္ပယုတ္တဉ္စ ဓမ္မံ ပဋိစ္စ နအနိဒဿနသပ္ပဋိဃော နအာသဝေါ စေဝ နအာသဝဝိပ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ. အနိဒဿနအပ္ပဋိဃံ အာသဝဉ္စေဝ အာသဝသမ္ပယုတ္တဉ္စ ဓမ္မံ ပဋိစ္စ နသနိဒဿနသပ္ပဋိဃော နအာသဝေါ စေဝ နအာသဝဝိပ္ပယုတ္တော စ နအနိဒဿနသပ္ပဋိဃော နအာသဝေါ စေဝ နအာသဝဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ. (သံခိတ္တံ.) ဟေတုယာ တီဏိ …ပေ… အဝိဂတေ တီဏိ.
258
အနိဒဿနအပ္ပဋိဃံ အာသဝသမ္ပယုတ္တဉ္စေဝ နော စ အာသဝံ ဓမ္မံ ပဋိစ္စ နသနိဒဿနသပ္ပဋိဃော နအာသဝဝိပ္ပယုတ္တော စေဝ နနော စ အာသဝေါ ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ …ပေ… အဝိဂတေ တီဏိ.