63 သနိဒဿနတ္တိက, အာသဝဝိပ္ပယုတ္တသာသဝဒုက
အနိဒဿနအပ္ပဋိဃံ အာသဝဝိပ္ပယုတ္တံ သာသဝံ ဓမ္မံ ပစ္စယာ နသနိဒဿနသပ္ပဋိဃော အာသဝဝိပ္ပယုတ္တော နသာသဝေါ ဓမ္မော ဥပ္ပဇ္ဇတိ ဟေတုပစ္စယာ. အနိဒဿနအပ္ပဋိဃံ အာသဝဝိပ္ပယုတ္တံ သာသဝံ ဓမ္မံ ပစ္စယာ နအနိဒဿနသပ္ပဋိဃော အာသဝဝိပ္ပယုတ္တော နသာသဝေါ ဓမ္မော ဥပ္ပဇ္ဇတိ ဟေတုပစ္စယာ. အနိဒဿနအပ္ပဋိဃံ အာသဝဝိပ္ပယုတ္တံ သာသဝံ ဓမ္မံ ပစ္စယာ နသနိဒဿနသပ္ပဋိဃော အာသဝဝိပ္ပယုတ္တော နသာသဝေါ စ နအနိဒဿနသပ္ပဋိဃော အာသဝဝိပ္ပယုတ္တော နသာသဝေါ စ ဓမ္မာ ဥပ္ပဇ္ဇန္တိ ဟေတုပစ္စယာ. (သံခိတ္တံ.) ဟေတုယာ တီဏိ …ပေ… အဝိဂတေ တီဏိ.
အနိဒဿနအပ္ပဋိဃံ အာသဝဝိပ္ပယုတ္တံ အနာသဝံ ဓမ္မံ ပဋိစ္စ နအနိဒဿနအပ္ပဋိဃော အာသဝဝိပ္ပယုတ္တော နအနာသဝေါ ဓမ္မော ဥပ္ပဇ္ဇတိ ဟေတုပစ္စယာ. အနိဒဿနအပ္ပဋိဃံ အာသဝဝိပ္ပယုတ္တံ အနာသဝံ ဓမ္မံ ပဋိစ္စ နသနိဒဿနသပ္ပဋိဃော အာသဝဝိပ္ပယုတ္တော နအနာသဝေါ ဓမ္မော ဥပ္ပဇ္ဇတိ ဟေတုပစ္စယာ …ပေ… အနိဒဿနအပ္ပဋိဃံ အာသဝဝိပ္ပယုတ္တံ အနာသဝံ ဓမ္မံ ပဋိစ္စ နသနိဒဿနသပ္ပဋိဃော အာသဝဝိပ္ပယုတ္တော နအနာသဝေါ စ နအနိဒဿနသပ္ပဋိဃော အာသဝဝိပ္ပယုတ္တော နအနာသဝေါ စ ဓမ္မာ ဥပ္ပဇ္ဇန္တိ ဟေတုပစ္စယာ. (သံခိတ္တံ.) ဟေတုယာ ဆ, အဓိပတိယာ ဆ …ပေ… အဝိဂတေ ဆ.