76 သနိဒဿနတ္တိက, ဥပါဒိန္နဒုက
Review
124.
300
အနိဒဿနအပ္ပဋိဃံ ဥပါဒိန္နံ ဓမ္မံ ပဋိစ္စ နအနိဒဿနအပ္ပဋိဃော နော်ပါဒိန္နော ဓမ္မော ဥပ္ပဇ္ဇတိ ဟေတုပစ္စယာ. အနိဒဿနအပ္ပဋိဃံ ဥပါဒိန္နံ ဓမ္မံ ပဋိစ္စ နသနိဒဿနသပ္ပဋိဃော နော်ပါဒိန္နော ဓမ္မော ဥပ္ပဇ္ဇတိ ဟေတုပစ္စယာ …ပေ… အနိဒဿနအပ္ပဋိဃံ ဥပါဒိန္နံ ဓမ္မံ ပဋိစ္စ နသနိဒဿနသပ္ပဋိဃော နော်ပါဒိန္နော စ နအနိဒဿနသပ္ပဋိဃော နော်ပါဒိန္နော စ ဓမ္မာ ဥပ္ပဇ္ဇန္တိ ဟေတုပစ္စယာ. (သံခိတ္တံ.)
301
ဟေတုယာ ဆ, သဟဇာတေ နိဿယေ ကမ္မေ ဝိပါကေ အာဟာရေ ဣန္ဒြိယေ ဈာနေ မဂ္ဂေ ဝိပ္ပယုတ္တေ အတ္ထိယာ အဝိဂတေ ဆ.
125.
302
သနိဒဿနသပ္ပဋိဃော အနုပါဒိန္နော ဓမ္မော နသနိဒဿနသပ္ပဋိဃဿ နအနုပါဒိန္နဿ ဓမ္မဿ အာရမ္မဏပစ္စယေန ပစ္စယော. (သံခိတ္တံ.)
303
အာရမ္မဏေ နဝ, အနန္တရေ သမနန္တရေ တီဏိ, ဥပနိဿယေ ပုရေဇာတေ နဝ, ကမ္မေ ဆ, အတ္ထိယာ နဝ, နတ္ထိယာ ဝိဂတေ တီဏိ, အဝိဂတေ နဝ.