20 ကုသလတ္တိက, သနိဒဿနတ္တိက
အဗျာကတော သနိဒဿနသပ္ပဋိဃော ဓမ္မော နအဗျာကတဿ နသနိဒဿနသပ္ပဋိဃဿ ဓမ္မဿ အာရမ္မဏပစ္စယေန ပစ္စယော. (တီဏိ ဝေဒိတကံ ကာတဗ္ဗံ.)
အာရမ္မဏေ ဆ, အဓိပတိယာ တီဏိ, ဥပနိဿယေ ပုရေဇာတေ အတ္ထိယာ အဝိဂတေ ဆ.
အဗျာကတံ အနိဒဿနသပ္ပဋိဃံ ဓမ္မံ ပဋိစ္စ ကုသလော နအနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ အနိဒဿနသပ္ပဋိဃံ ဓမ္မံ ပဋိစ္စ နအကုသလော နအနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ အနိဒဿနသပ္ပဋိဃံ ဓမ္မံ ပဋိစ္စ နကုသလော နအနိဒဿနသပ္ပဋိဃော စ နအကုသလော နအနိဒဿနသပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ. (သံခိတ္တံ.)
ဟေတုယာ တီဏိ, အဓိပတိယာ တီဏိ …ပေ… အဝိဂတေ တီဏိ.
ကုသလံ အနိဒဿနအပ္ပဋိဃံ ဓမ္မံ ပဋိစ္စ နကုသလော နအနိဒဿနအပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. ကုသလံ အနိဒဿနအပ္ပဋိဃံ ဓမ္မံ ပဋိစ္စ နအကုသလော နအနိဒဿနအပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. ကုသလံ အနိဒဿနအပ္ပဋိဃံ ဓမ္မံ ပဋိစ္စ နကုသလော နအနိဒဿနအပ္ပဋိဃော စ နအကုသလော နအနိဒဿနအပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ… တီဏိ.
အကုသလံ အနိဒဿနအပ္ပဋိဃံ ဓမ္မံ ပဋိစ္စ နအကုသလော နအနိဒဿနအပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. အကုသလံ အနိဒဿနအပ္ပဋိဃံ ဓမ္မံ ပဋိစ္စ နကုသလော နအနိဒဿနအပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. အကုသလံ အနိဒဿနအပ္ပဋိဃံ ဓမ္မံ ပဋိစ္စ နကုသလော နအနိဒဿနအပ္ပဋိဃော စ နအကုသလော နအနိဒဿနအပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ… တီဏိ.
အဗျာကတံ အနိဒဿနအပ္ပဋိဃံ ဓမ္မံ ပဋိစ္စ နကုသလော နအနိဒဿနအပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ အနိဒဿနအပ္ပဋိဃံ ဓမ္မံ ပဋိစ္စ နအကုသလော နအနိဒဿနအပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ အနိဒဿနအပ္ပဋိဃံ ဓမ္မံ ပဋိစ္စ နကုသလော နအနိဒဿနအပ္ပဋိဃော စ နအကုသလော နအနိဒဿနအပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ… တီဏိ.
ကုသလံ အနိဒဿနအပ္ပဋိဃဉ္စ အဗျာကတံ အနိဒဿနအပ္ပဋိဃဉ္စ ဓမ္မံ ပဋိစ္စ နကုသလော နအနိဒဿနအပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ… တီဏိ.
အကုသလံ အနိဒဿနအပ္ပဋိဃဉ္စ အဗျာကတံ အနိဒဿနအပ္ပဋိဃဉ္စ ဓမ္မံ ပဋိစ္စ နကုသလော နအနိဒဿနအပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ… တီဏိ. (သံခိတ္တံ.)
ဟေတုယာ ပန္နရသ, အဓိပတိယာ ပန္နရသ …ပေ… အညမညေ တီဏိ …ပေ… ဝိပါကေ တီဏိ …ပေ… အဝိဂတေ ပန္နရသ.