22 ဝိပါကတ္တိက, ကုသလတ္တိက
Review
39.
105
ဝိပါကဓမ္မဓမ္မံ ကုသလံ ဓမ္မံ ပဋိစ္စ နဝိပါကဓမ္မဓမ္မော နကုသလော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ, အဓိပတိယာ တီဏိ …ပေ… အဝိဂတေ တီဏိ.
106
ဝိပါကဓမ္မဓမ္မံ အကုသလံ ဓမ္မံ ပဋိစ္စ နဝိပါကဓမ္မဓမ္မော နအကုသလော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ, အဓိပတိယာ တီဏိ …ပေ… အဝိဂတေ တီဏိ.
107
နေဝဝိပါကနဝိပါကဓမ္မဓမ္မံ အဗျာကတံ ဓမ္မံ ပစ္စယာ နနေဝဝိပါကနဝိပါကဓမ္မဓမ္မော နအဗျာကတော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ …ပေ… အဝိဂတေ တီဏိ.