3 ကုသလတ္တိက, ဥပါဒိန္နတ္တိက
အဗျာကတံ ဥပါဒိန္နုပါဒါနိယံ ဓမ္မံ ပဋိစ္စ နကုသလော နော်ပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ ဥပါဒိန္နုပါဒါနိယံ ဓမ္မံ ပဋိစ္စ နအကုသလော နော်ပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ ဥပါဒိန္နုပါဒါနိယံ ဓမ္မံ ပဋိစ္စ နကုသလော နော်ပါဒိန္နုပါဒါနိယော စ နအကုသလော နော်ပါဒိန္နုပါဒါနိယော စ ဓမ္မာ ဥပ္ပဇ္ဇန္တိ ဟေတုပစ္စယာ. (သံခိတ္တံ.)
ဟေတုယာ တီဏိ, သဟဇာတေ တီဏိ …ပေ… အဝိဂတေ တီဏိ.
ကုသလော အနုပါဒိန္နုပါဒါနိယော ဓမ္မော နကုသလဿ နအနုပါဒိန္နုပါဒါနိယဿ ဓမ္မဿ အာရမ္မဏပစ္စယေန ပစ္စယော. ကုသလော အနုပါဒိန္နုပါဒါနိယော ဓမ္မော နအကုသလဿ နအနုပါဒိန္နုပါဒါနိယဿ ဓမ္မဿ အာရမ္မဏပစ္စယေန ပစ္စယော. ကုသလော အနုပါဒိန္နုပါဒါနိယော ဓမ္မော နကုသလဿ နအနုပါဒိန္နုပါဒါနိယဿ စ နအကုသလဿ နအနုပါဒိန္နုပါဒါနိယဿ စ ဓမ္မဿ အာရမ္မဏပစ္စယေန ပစ္စယော… တီဏိ.
အကုသလေ တီဏိ. အဗျာကတံ အနုပါဒိန္နုပါဒါနိယေ တီဏိယေဝ …ပေ… . အာရမ္မဏေ နဝ, အနန္တရေ ဧကာဒသ …ပေ… ဥပနိဿယေ ပန္နရသ, ပုရေဇာတေ အာသေဝနေ တီဏိ, ကမ္မေ ဆ, အာဟာရေ တီဏိ …ပေ… အဝိဂတေ တီဏိ.
ကုသလံ အနုပါဒိန္နအနုပါဒါနိယံ ဓမ္မံ ပဋိစ္စ နကုသလော နအနုပါဒိန္နအနုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ… တီဏိ.
အဗျာကတံ အနုပါဒိန္နအနုပါဒါနိယံ ဓမ္မံ ပဋိစ္စ နကုသလော နအနုပါဒိန္နအနုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ… တီဏိ. (သံခိတ္တံ.)
ဟေတုယာ ဆ, အဓိပတိယာ ဆ …ပေ… ဝိပါကေ တီဏိ …ပေ… အဝိဂတေ ဆ.