ဟေတု-အာရမ္မဏ
- ဟေတု-အာရမ္မဏ
ဟေတု သဟေတုကော ဓမ္မော နဟေတုဿ နသဟေတုကဿ ဓမ္မဿ ဟေတုပစ္စယေန ပစ္စယော. (1)
ဟေတု သဟေတုကော ဓမ္မော နဟေတုဿ နသဟေတုကဿ ဓမ္မဿ အာရမ္မဏပစ္စယေန ပစ္စယော. ဟေတု သဟေတုကော ဓမ္မော နနဟေတုဿ နသဟေတုကဿ ဓမ္မဿ အာရမ္မဏပစ္စယေန ပစ္စယော. ဟေတု သဟေတုကော ဓမ္မော နဟေတုဿ နသဟေတုကဿ စ နနဟေတုဿ နသဟေတုကဿ စ ဓမ္မဿ အာရမ္မဏပစ္စယေန ပစ္စယော. (3)
နဟေတု သဟေတုကော ဓမ္မော နနဟေတုဿ နသဟေတုကဿ ဓမ္မဿ အာရမ္မဏပစ္စယေန ပစ္စယော. နဟေတု သဟေတုကော ဓမ္မော နဟေတုဿ နသဟေတုကဿ ဓမ္မဿ အာရမ္မဏပစ္စယေန ပစ္စယော. နဟေတု သဟေတုကော ဓမ္မော နဟေတုဿ နသဟေတုကဿ စ နနဟေတုဿ နသဟေတုကဿ စ ဓမ္မဿ အာရမ္မဏပစ္စယေန ပစ္စယော. (3) (သံခိတ္တံ.)
ဟေတု သဟေတုကော စ နဟေတု သဟေတုကော စ ဓမ္မာ နဟေတုဿ နသဟေတုကဿ ဓမ္မဿ အာရမ္မဏပစ္စယေန ပစ္စယော. ဟေတု သဟေတုကော စ နဟေတုသဟေတုကော စ ဓမ္မာ နနဟေတုဿ နသဟေတုကဿ ဓမ္မဿ အာရမ္မဏပစ္စယေန ပစ္စယော. (2) (သံခိတ္တံ.)
ဟေတုယာ ဧကံ, အာရမ္မဏေ ဆ, အဓိပတိယာ ဒွေ, အနန္တရေ စတ္တာရိ, သဟဇာတေ ပဉ္စ, အညမညေ စတ္တာရိ, နိဿယေ ပဉ္စ, ဥပနိဿယေ ဆ, ပစ္ဆာဇာတေ တီဏိ, အာသေဝနေ ဧကံ, ကမ္မေ …ပေ… အာဟာရေ တီဏိ, ဣန္ဒြိယေ ပဉ္စ, ဈာနေ တီဏိ, မဂ္ဂေ ပဉ္စ, သမ္ပယုတ္တေ ဧကံ, ဝိပ္ပယုတ္တေ တီဏိ …ပေ… အဝိဂတေ ပဉ္စ. (ပဉှာဝါရံ ဝိတ္ထာရေတဗ္ဗံ.)
ဟေတုံ အဟေတုကံ ဓမ္မံ ပဋိစ္စ နဟေတု နအဟေတုကော ဓမ္မော ဥပ္ပဇ္ဇတိ ဟေတုပစ္စယာ. (1)
နဟေတုံ အဟေတုကံ ဓမ္မံ ပဋိစ္စ နနဟေတု နအဟေတုကော ဓမ္မော ဥပ္ပဇ္ဇတိ ဟေတုပစ္စယာ… တီဏိ. (သံခိတ္တံ.)
ဟေတုယာ စတ္တာရိ, အာရမ္မဏေ စတ္တာရိ …ပေ… ပုရေဇာတေ အာသေဝနေ ဧကံ …ပေ… ဝိပါကေ တီဏိ …ပေ… အဝိဂတေ စတ္တာရိ.