14 စူဠန္တရဒုက, ဟေတုဒုက
သပ္ပစ္စယံ ဟေတုံ ဓမ္မံ ပဋိစ္စ နအပ္ပစ္စယော နဟေတု ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ ဧကံ …ပေ… အဝိဂတေ ဧကံ.
သပ္ပစ္စယံ နဟေတုံ ဓမ္မံ ပဋိစ္စ နအပ္ပစ္စယော နနဟေတု ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ ဧကံ …ပေ… အဝိဂတေ ဧကံ. (သင်္ခတံ သပ္ပစ္စယသဒိသံ.)
အနိဒဿနံ ဟေတုံ ဓမ္မံ ပဋိစ္စ နအနိဒဿနော နဟေတု ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ, အာရမ္မဏေ ဧကံ …ပေ… အဝိဂတေ တီဏိ.
အနိဒဿနံ နဟေတုံ ဓမ္မံ ပဋိစ္စ နသနိဒဿနော နနဟေတု ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ ဧကံ …ပေ… အဝိဂတေ ဧကံ.
အပ္ပဋိဃံ ဟေတုံ ဓမ္မံ ပဋိစ္စ နအပ္ပဋိဃော နဟေတု ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ, အာရမ္မဏေ ဧကံ …ပေ… အဝိဂတေ တီဏိ.
အပ္ပဋိဃံ နဟေတုံ ဓမ္မံ ပဋိစ္စ နသပ္ပဋိဃော နနဟေတု ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ ဧကံ …ပေ… အဝိဂတေ ဧကံ.
အရူပိံ ဟေတုံ ဓမ္မံ ပဋိစ္စ နအရူပီ နဟေတု ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ, အာရမ္မဏေ ဧကံ …ပေ… အဝိဂတေ တီဏိ.
ရူပိံ နဟေတုံ ဓမ္မံ ပဋိစ္စ နရူပီ နနဟေတု ဓမ္မော ဥပ္ပဇ္ဇတိ ဟေတုပစ္စယာ.
အရူပိံ နဟေတုံ ဓမ္မံ ပဋိစ္စ နအရူပီ နနဟေတု ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ, အာရမ္မဏေ တီဏိ, အဓိပတိယာ ဧကံ …ပေ… ပုရေဇာတေ အာသေဝနေ ဧကံ …ပေ… အဝိဂတေ တီဏိ.
လောကိယံ ဟေတုံ ဓမ္မံ ပဋိစ္စ နလောကုတ္တရော နဟေတု ဓမ္မော ဥပ္ပဇ္ဇတိ ဟေတုပစ္စယာ… ဧကံ.
လောကုတ္တရံ ဟေတုံ ဓမ္မံ ပဋိစ္စ နလောကုတ္တရော နဟေတု ဓမ္မော ဥပ္ပဇ္ဇတိ ဟေတုပစ္စယာ… တီဏိ. (သံခိတ္တံ.) ဟေတုယာ စတ္တာရိ, အာရမ္မဏေ ဒွေ …ပေ… အဝိဂတေ စတ္တာရိ.
လောကိယံ နဟေတုံ ဓမ္မံ ပဋိစ္စ နလောကုတ္တရော နနဟေတု ဓမ္မော ဥပ္ပဇ္ဇတိ ဟေတုပစ္စယာ… ဧကံ.
လောကုတ္တရံ နဟေတုံ ဓမ္မံ ပဋိစ္စ နလောကိယော နနဟေတု ဓမ္မော ဥပ္ပဇ္ဇတိ ဟေတုပစ္စယာ… ဧကံ… . ဟေတုယာ ဒွေ …ပေ… အဝိဂတေ ဒွေ.
ကေနစိ ဝိညေယျံ ဟေတုံ ဓမ္မံ ပဋိစ္စ နကေနစိ ဝိညေယျော နဟေတု ဓမ္မော ဥပ္ပဇ္ဇတိ ဟေတုပစ္စယာ… တီဏိ.
နကေနစိ ဝိညေယျံ ဟေတုံ ဓမ္မံ ပဋိစ္စ နနကေနစိ ဝိညေယျော နဟေတု ဓမ္မော ဥပ္ပဇ္ဇတိ ဟေတုပစ္စယာ… တီဏိ.
ကေနစိ ဝိညေယျံ ဟေတုဉ္စ နကေနစိ ဝိညေယျံ ဟေတုဉ္စ ဓမ္မံ ပဋိစ္စ နကေနစိ ဝိညေယျော နဟေတု ဓမ္မော ဥပ္ပဇ္ဇတိ ဟေတုပစ္စယာ… တီဏိ. (သံခိတ္တံ.) ဟေတုယာ နဝ …ပေ… အဝိဂတေ နဝ.
ကေနစိ ဝိညေယျံ နဟေတုံ ဓမ္မံ ပဋိစ္စ နကေနစိ ဝိညေယျော နနဟေတု ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ နဝ …ပေ… အဝိဂတေ နဝ.