7 ဟေတုဒုက, မဟန္တရဒုကာဒိ
ဟေတုံ သာရမ္မဏံ ဓမ္မံ ပဋိစ္စ နဟေတု နသာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ, အဓိပတိယာ တီဏိ …ပေ… အဝိဂတေ တီဏိ.
နဟေတုံ အနာရမ္မဏံ ဓမ္မံ ပဋိစ္စ နနဟေတု နအနာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ, အာရမ္မဏေ တီဏိ …ပေ… အဝိဂတေ တီဏိ.
နဟေတုံ စိတ္တံ ဓမ္မံ ပဋိစ္စ နနဟေတု နောစိတ္တော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ …ပေ… အဝိဂတေ တီဏိ.
ဟေတုံ နောစိတ္တံ ဓမ္မံ ပဋိစ္စ နဟေတု နနောစိတ္တော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ …ပေ… အဝိဂတေ တီဏိ.
ဟေတုံ စေတသိကံ ဓမ္မံ ပဋိစ္စ နဟေတု နစေတသိကော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ …ပေ… အဝိဂတေ တီဏိ.
နဟေတုံ အစေတသိကံ ဓမ္မံ ပဋိစ္စ နနဟေတု နအစေတသိကော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ …ပေ… အဝိဂတေ တီဏိ.
ဟေတုံ စိတ္တသမ္ပယုတ္တံ ဓမ္မံ ပဋိစ္စ နဟေတု နစိတ္တသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ, အဓိပတိယာ တီဏိ …ပေ… အဝိဂတေ တီဏိ.
နဟေတုံ စိတ္တဝိပ္ပယုတ္တံ ဓမ္မံ ပဋိစ္စ နနဟေတု နစိတ္တဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ, အာရမ္မဏေ တီဏိ …ပေ… အဝိဂတေ တီဏိ.
ဟေတုံ စိတ္တသံသဋ္ဌံ ဓမ္မံ ပဋိစ္စ နဟေတု နစိတ္တသံသဋ္ဌော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ, အဓိပတိယာ တီဏိ …ပေ… အဝိဂတေ တီဏိ.
နဟေတုံ စိတ္တဝိသံသဋ္ဌံ ဓမ္မံ ပဋိစ္စ နနဟေတု နစိတ္တဝိသံသဋ္ဌော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ, အာရမ္မဏေ တီဏိ …ပေ… အဝိဂတေ တီဏိ.
ဟေတုံ စိတ္တသမုဋ္ဌာနံ ဓမ္မံ ပဋိစ္စ နဟေတု နောစိတ္တသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ …ပေ… အဝိဂတေ တီဏိ.
နဟေတုံ နောစိတ္တသမုဋ္ဌာနံ ဓမ္မံ ပဋိစ္စ နနဟေတု နနောစိတ္တသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ …ပေ… အဝိဂတေ တီဏိ.
ဟေတုံ စိတ္တသဟဘုံ ဓမ္မံ ပဋိစ္စ နဟေတု နောစိတ္တသဟဘူ ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ …ပေ… အဝိဂတေ တီဏိ.
နဟေတုံ နောစိတ္တသဟဘုံ ဓမ္မံ ပဋိစ္စ နနဟေတု နနောစိတ္တသဟဘူ ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ …ပေ… အဝိဂတေ တီဏိ.
ဟေတုံ စိတ္တာနုပရိဝတ္တိံ ဓမ္မံ ပဋိစ္စ နဟေတု နောစိတ္တာနုပရိဝတ္တီ ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ …ပေ… အဝိဂတေ တီဏိ.
နဟေတုံ နောစိတ္တာနုပရိဝတ္တိံ ဓမ္မံ ပဋိစ္စ နနဟေတု နနောစိတ္တာနုပရိဝတ္တီ ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ …ပေ… အဝိဂတေ တီဏိ.
ဟေတုံ စိတ္တသံသဋ္ဌသမုဋ္ဌာနံ ဓမ္မံ ပဋိစ္စ နဟေတု နောစိတ္တသံသဋ္ဌသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ …ပေ… အဝိဂတေ တီဏိ.
နဟေတုံ နောစိတ္တသံသဋ္ဌသမုဋ္ဌာနံ ဓမ္မံ ပဋိစ္စ နနဟေတု နနောစိတ္တသံသဋ္ဌသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ …ပေ… အဝိဂတေ တီဏိ.
ဟေတုံ စိတ္တသံသဋ္ဌသမုဋ္ဌာနသဟဘုံ ဓမ္မံ ပဋိစ္စ နဟေတု နောစိတ္တသံသဋ္ဌသမုဋ္ဌာနသဟဘူ ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ …ပေ… အဝိဂတေ တီဏိ.
နဟေတုံ နောစိတ္တသံသဋ္ဌသမုဋ္ဌာနသဟဘုံ ဓမ္မံ ပဋိစ္စ နနဟေတု နနောစိတ္တသံသဋ္ဌသမုဋ္ဌာနသဟဘူ ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ …ပေ… အဝိဂတေ တီဏိ.
ဟေတုံ စိတ္တသံသဋ္ဌသမုဋ္ဌာနာနုပရိဝတ္တိံ ဓမ္မံ ပဋိစ္စ နဟေတု နောစိတ္တသံသဋ္ဌသမုဋ္ဌာနာနုပရိဝတ္တီ ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ …ပေ… အဝိဂတေ တီဏိ.
နဟေတုံ နောစိတ္တသံသဋ္ဌသမုဋ္ဌာနာနုပရိဝတ္တိံ ဓမ္မံ ပဋိစ္စ နနဟေတု နနောစိတ္တသံသဋ္ဌသမုဋ္ဌာနာနုပရိဝတ္တီ ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ …ပေ… အဝိဂတေ တီဏိ. (သံခိတ္တံ. နယဝသေန ဝိတ္ထာရေတဗ္ဗံ.)