9 ဟေတုဒုက, သရဏဒုက
Review
42.
94
ဟေတုံ သရဏံ ဓမ္မံ ပဋိစ္စ နဟေတု နသရဏော ဓမ္မော ဥပ္ပဇ္ဇတိ ဟေတုပစ္စယာ. နဟေတုံ သရဏံ ဓမ္မံ ပဋိစ္စ နဟေတု နသရဏော ဓမ္မော ဥပ္ပဇ္ဇတိ ဟေတုပစ္စယာ. ဟေတုံ သရဏဉ္စ နဟေတုံ သရဏဉ္စ ဓမ္မံ ပဋိစ္စ နဟေတု နသရဏော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ, အဓိပတိယာ တီဏိ …ပေ… အဝိဂတေ တီဏိ.
95
နဟေတုံ အရဏံ ဓမ္မံ ပဋိစ္စ နနဟေတု နအရဏော ဓမ္မော ဥပ္ပဇ္ဇတိ ဟေတုပစ္စယာ. နဟေတုံ အရဏံ ဓမ္မံ ပစ္စယာ နဟေတု နအရဏော ဓမ္မော ဥပ္ပဇ္ဇတိ ဟေတုပစ္စယာ. နဟေတုံ အရဏံ ဓမ္မံ ပစ္စယာ နဟေတု နအရဏော စ နနဟေတု နအရဏော စ ဓမ္မာ ဥပ္ပဇ္ဇန္တိ ဟေတုပစ္စယာ. (သံခိတ္တံ.) ဟေတုယာ တီဏိ …ပေ… အဝိဂတေ တီဏိ.