17 သနိဒဿနတ္တိက, ပိဋ္ဌိဒုက
နသနိဒဿနသပ္ပဋိဃံ နဒဿနေန ပဟာတဗ္ဗံ ဓမ္မံ ပဋိစ္စ… . (သံခိတ္တံ.)
ဟေတုယာ တိံသ, အာရမ္မဏေ နဝ …ပေ… အညမညေ ပဉ္စဝီသ …ပေ… အဝိဂတေ တိံသ. (ပိဋ္ဌိဒုကံ ဝိတ္ထာရေတဗ္ဗံ.)
နသနိဒဿနသပ္ပဋိဃံ နသရဏံ ဓမ္မံ ပဋိစ္စ နသနိဒဿနသပ္ပဋိဃော နသရဏော ဓမ္မော ဥပ္ပဇ္ဇတိ ဟေတုပစ္စယာ. နသနိဒဿနသပ္ပဋိဃံ နသရဏံ ဓမ္မံ ပဋိစ္စ နအနိဒဿနသပ္ပဋိဃော နသရဏော ဓမ္မော ဥပ္ပဇ္ဇတိ ဟေတုပစ္စယာ. နသနိဒဿနသပ္ပဋိဃံ နသရဏံ ဓမ္မံ ပဋိစ္စ နအနိဒဿနအပ္ပဋိဃော နသရဏော ဓမ္မော ဥပ္ပဇ္ဇတိ ဟေတုပစ္စယာ …ပေ… ဆ.
နအနိဒဿနသပ္ပဋိဃံ နသရဏံ ဓမ္မံ ပဋိစ္စ နအနိဒဿနသပ္ပဋိဃော နသရဏော ဓမ္မော ဥပ္ပဇ္ဇတိ ဟေတုပစ္စယာ. နအနိဒဿနသပ္ပဋိဃံ နသရဏံ ဓမ္မံ ပဋိစ္စ နသနိဒဿနသပ္ပဋိဃော နသရဏော ဓမ္မော ဥပ္ပဇ္ဇတိ ဟေတုပစ္စယာ …ပေ… ဆ.
နအနိဒဿနအပ္ပဋိဃံ နသရဏံ ဓမ္မံ ပဋိစ္စ နအနိဒဿနအပ္ပဋိဃော နသရဏော ဓမ္မော ဥပ္ပဇ္ဇတိ ဟေတုပစ္စယာ… ဆ.
နသနိဒဿနသပ္ပဋိဃံ နသရဏဉ္စ နအနိဒဿနအပ္ပဋိဃံ နသရဏဉ္စ ဓမ္မံ ပဋိစ္စ နသနိဒဿနသပ္ပဋိဃော နသရဏော ဓမ္မော ဥပ္ပဇ္ဇတိ ဟေတုပစ္စယာ… ဆ.
နသနိဒဿနသပ္ပဋိဃံ နသရဏဉ္စ နအနိဒဿနသပ္ပဋိဃံ နသရဏဉ္စ ဓမ္မံ ပဋိစ္စ နသနိဒဿနသပ္ပဋိဃော နသရဏော ဓမ္မော ဥပ္ပဇ္ဇတိ ဟေတုပစ္စယာ… ဆ.
ဟေတုယာ တိံသ, အာရမ္မဏေ နဝ …ပေ… အညမညေ ပဉ္စဝီသ …ပေ… အဝိဂတေ တိံသ. (သဗ္ဗတ္ထ ဝိတ္ထာရော.)
နသနိဒဿနသပ္ပဋိဃံ နအရဏံ ဓမ္မံ ပဋိစ္စ နသနိဒဿနသပ္ပဋိဃော နအရဏော ဓမ္မော ဥပ္ပဇ္ဇတိ ဟေတုပစ္စယာ. နသနိဒဿနသပ္ပဋိဃံ နအရဏံ ဓမ္မံ ပဋိစ္စ နအနိဒဿနသပ္ပဋိဃော နအရဏော ဓမ္မော ဥပ္ပဇ္ဇတိ ဟေတုပစ္စယာ. နသနိဒဿနသပ္ပဋိဃံ နအရဏံ ဓမ္မံ ပဋိစ္စ နသနိဒဿနသပ္ပဋိဃော နအရဏော စ နအနိဒဿနသပ္ပဋိဃော နအရဏော စ ဓမ္မာ ဥပ္ပဇ္ဇန္တိ ဟေတုပစ္စယာ. (3)
နအနိဒဿနသပ္ပဋိဃံ နအရဏံ ဓမ္မံ ပဋိစ္စ နအနိဒဿနသပ္ပဋိဃော နအရဏော ဓမ္မော ဥပ္ပဇ္ဇတိ ဟေတုပစ္စယာ. နအနိဒဿနသပ္ပဋိဃံ နအရဏံ ဓမ္မံ ပဋိစ္စ နသနိဒဿနသပ္ပဋိဃော နအရဏော ဓမ္မော ဥပ္ပဇ္ဇတိ ဟေတုပစ္စယာ. နအနိဒဿနသပ္ပဋိဃံ နအရဏံ ဓမ္မံ ပဋိစ္စ နသနိဒဿနသပ္ပဋိဃော နအရဏော စ နအနိဒဿနသပ္ပဋိဃော နအရဏော စ ဓမ္မာ ဥပ္ပဇ္ဇန္တိ ဟေတုပစ္စယာ. (3)
နသနိဒဿနသပ္ပဋိဃံ နအရဏဉ္စ နအနိဒဿနသပ္ပဋိဃံ နအရဏဉ္စ ဓမ္မံ ပဋိစ္စ နသနိဒဿနသပ္ပဋိဃော နအရဏော ဓမ္မော ဥပ္ပဇ္ဇတိ ဟေတုပစ္စယာ. နသနိဒဿနသပ္ပဋိဃံ နအရဏဉ္စ နအနိဒဿနသပ္ပဋိဃံ နအရဏဉ္စ ဓမ္မံ ပဋိစ္စ နအနိဒဿနသပ္ပဋိဃော နအရဏော ဓမ္မော ဥပ္ပဇ္ဇတိ ဟေတုပစ္စယာ. နသနိဒဿနသပ္ပဋိဃံ နအရဏဉ္စ နအနိဒဿနသပ္ပဋိဃံ နအရဏဉ္စ ဓမ္မံ ပဋိစ္စ နသနိဒဿနသပ္ပဋိဃော နအရဏော စ နအနိဒဿနသပ္ပဋိဃော နအရဏော စ ဓမ္မာ ဥပ္ပဇ္ဇန္တိ ဟေတုပစ္စယာ. (3) (သံခိတ္တံ.)
ဟေတုယာ နဝ, အာရမ္မဏေ နဝ …ပေ… အဝိဂတေ နဝ. (သဟဇာတဝါရေပိ ပစ္စယဝါရေပိ နိဿယဝါရေပိ သံသဋ္ဌဝါရေပိ သမ္ပယုတ္တဝါရေပိ သဗ္ဗတ္ထ နဝ.)