2 ကုသလတ္တိက, သဟေတုကဒုက
နကုသလံ နသဟေတုကံ ဓမ္မံ ပဋိစ္စ နကုသလော နသဟေတုကော ဓမ္မော ဥပ္ပဇ္ဇတိ ဟေတုပစ္စယာ. နကုသလံ နသဟေတုကံ ဓမ္မံ ပဋိစ္စ နအကုသလော နသဟေတုကော ဓမ္မော ဥပ္ပဇ္ဇတိ ဟေတုပစ္စယာ. နကုသလံ နသဟေတုကံ ဓမ္မံ ပဋိစ္စ နကုသလော နသဟေတုကော စ နအကုသလော နသဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ. (3)
နအကုသလံ နသဟေတုကံ ဓမ္မံ ပဋိစ္စ နအကုသလော နသဟေတုကော ဓမ္မော ဥပ္ပဇ္ဇတိ ဟေတုပစ္စယာ. နအကုသလံ နသဟေတုကံ ဓမ္မံ ပဋိစ္စ နကုသလော နသဟေတုကော ဓမ္မော ဥပ္ပဇ္ဇတိ ဟေတုပစ္စယာ. နအကုသလံ နသဟေတုကံ ဓမ္မံ ပဋိစ္စ နကုသလော နသဟေတုကော စ နအကုသလော နသဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ. (3)
နအဗျာကတံ နသဟေတုကံ ဓမ္မံ ပဋိစ္စ နကုသလော နသဟေတုကော ဓမ္မော ဥပ္ပဇ္ဇတိ ဟေတုပစ္စယာ… တီဏိ.
နကုသလံ နသဟေတုကဉ္စ နအဗျာကတံ နသဟေတုကဉ္စ ဓမ္မံ ပဋိစ္စ နကုသလော နသဟေတုကော ဓမ္မော ဥပ္ပဇ္ဇတိ ဟေတုပစ္စယာ… တီဏိ.
နကုသလံ နသဟေတုကဉ္စ နအကုသလံ နသဟေတုကဉ္စ ဓမ္မံ ပဋိစ္စ နကုသလော နသဟေတုကော ဓမ္မော ဥပ္ပဇ္ဇတိ ဟေတုပစ္စယာ… တီဏိ. (သံခိတ္တံ.)
ဟေတုယာ ပန္နရသ, အာရမ္မဏေ နဝ …ပေ… အဓိပတိယာ နဝ …ပေ… ဝိပါကေ နဝ …ပေ… အဝိဂတေ ပန္နရသ. (သဗ္ဗတ္ထ ဝိတ္ထာရော.)
နကုသလံ နအဟေတုကံ ဓမ္မံ ပဋိစ္စ နကုသလော နအဟေတုကော ဓမ္မော ဥပ္ပဇ္ဇတိ ဟေတုပစ္စယာ… ပဉ္စ.
နအကုသလံ နအဟေတုကံ ဓမ္မံ ပဋိစ္စ နအကုသလော နအဟေတုကော ဓမ္မော ဥပ္ပဇ္ဇတိ ဟေတုပစ္စယာ… ပဉ္စ.
နအဗျာကတံ နအဟေတုကံ ဓမ္မံ ပဋိစ္စ နအဗျာကတော နအဟေတုကော ဓမ္မော ဥပ္ပဇ္ဇတိ ဟေတုပစ္စယာ… ပဉ္စ.
နကုသလံ နအဟေတုကဉ္စ နအဗျာကတံ နအဟေတုကဉ္စ ဓမ္မံ ပဋိစ္စ နကုသလော နအဟေတုကော ဓမ္မော ဥပ္ပဇ္ဇတိ ဟေတုပစ္စယာ… တီဏိ.
နအကုသလံ နအဟေတုကဉ္စ နအဗျာကတံ နအဟေတုကဉ္စ ဓမ္မံ ပဋိစ္စ နအကုသလော နအဟေတုကော ဓမ္မော ဥပ္ပဇ္ဇတိ ဟေတုပစ္စယာ… တီဏိ.
နကုသလံ နအဟေတုကဉ္စ နအကုသလံ နအဟေတုကဉ္စ ဓမ္မံ ပဋိစ္စ နကုသလော နအဟေတုကော ဓမ္မော ဥပ္ပဇ္ဇတိ ဟေတုပစ္စယာ… တီဏိ. (သံခိတ္တံ.)
ဟေတုယာ စတုဝီသ …ပေ… ဝိပါကေ နဝ …ပေ… အဝိဂတေ စတုဝီသ. (သဗ္ဗတ္ထ ဝိတ္ထာရော.)