16 သနိဒဿနတ္တိက, ကုသလတ္တိက
နသနိဒဿနသပ္ပဋိဃံ နကုသလံ ဓမ္မံ ပဋိစ္စ နသနိဒဿနသပ္ပဋိဃော နကုသလော ဓမ္မော ဥပ္ပဇ္ဇတိ ဟေတုပစ္စယာ. နသနိဒဿနသပ္ပဋိဃံ နကုသလံ ဓမ္မံ ပဋိစ္စ နအနိဒဿနသပ္ပဋိဃော နကုသလော ဓမ္မော ဥပ္ပဇ္ဇတိ ဟေတုပစ္စယာ. နသနိဒဿနသပ္ပဋိဃံ နကုသလံ ဓမ္မံ ပဋိစ္စ နအနိဒဿနအပ္ပဋိဃော နကုသလော ဓမ္မော ဥပ္ပဇ္ဇတိ ဟေတုပစ္စယာ …ပေ… ဆ.
နအနိဒဿနသပ္ပဋိဃံ နကုသလံ ဓမ္မံ ပဋိစ္စ နအနိဒဿနသပ္ပဋိဃော နကုသလော ဓမ္မော ဥပ္ပဇ္ဇတိ ဟေတုပစ္စယာ. နအနိဒဿနသပ္ပဋိဃံ နကုသလံ ဓမ္မံ ပဋိစ္စ နသနိဒဿနသပ္ပဋိဃော နကုသလော ဓမ္မော ဥပ္ပဇ္ဇတိ ဟေတုပစ္စယာ. နအနိဒဿနသပ္ပဋိဃံ နကုသလံ ဓမ္မံ ပဋိစ္စ နအနိဒဿနအပ္ပဋိဃော နကုသလော ဓမ္မော ဥပ္ပဇ္ဇတိ ဟေတုပစ္စယာ …ပေ… ဆ.
နအနိဒဿနအပ္ပဋိဃံ နကုသလံ ဓမ္မံ ပဋိစ္စ နအနိဒဿနအပ္ပဋိဃော နကုသလော ဓမ္မော ဥပ္ပဇ္ဇတိ ဟေတုပစ္စယာ… ဆ.
နသနိဒဿနသပ္ပဋိဃံ နကုသလဉ္စ နအနိဒဿနအပ္ပဋိဃံ နကုသလဉ္စ ဓမ္မံ ပဋိစ္စ နသနိဒဿနသပ္ပဋိဃော နကုသလော ဓမ္မော ဥပ္ပဇ္ဇတိ ဟေတုပစ္စယာ… ဆ.
နအနိဒဿနသပ္ပဋိဃံ နကုသလဉ္စ နအနိဒဿနအပ္ပဋိဃံ နကုသလဉ္စ ဓမ္မံ ပဋိစ္စ နသနိဒဿနသပ္ပဋိဃော နကုသလော ဓမ္မော ဥပ္ပဇ္ဇတိ ဟေတုပစ္စယာ… ဆ. (သံခိတ္တံ.)
ဟေတုယာ တိံသ, အာရမ္မဏေ နဝ …ပေ… အညမညေ ပဉ္စဝီသ …ပေ… အဝိဂတေ တိံသ. (သဗ္ဗတ္ထ ဝိတ္ထာရော.)
နသနိဒဿနသပ္ပဋိဃံ နအကုသလံ ဓမ္မံ ပဋိစ္စ နသနိဒဿနသပ္ပဋိဃော နအကုသလော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.)
ဟေတုယာ တိံသ, အာရမ္မဏေ နဝ …ပေ… အညမညေ ပဉ္စဝီသ …ပေ… အဝိဂတေ တိံသ. (သဗ္ဗတ္ထ ဝိတ္ထာရော.)
နသနိဒဿနသပ္ပဋိဃံ နအဗျာကတံ ဓမ္မံ ပဋိစ္စ နသနိဒဿနသပ္ပဋိဃော နအဗျာကတော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.)
ဟေတုယာ နဝ. (သဗ္ဗတ္ထ နဝ.)