20 သညောဇနဒုက
နောသညောဇနံ ဓမ္မံ ပဋိစ္စ နောသညောဇနော ဓမ္မော ဥပ္ပဇ္ဇတိ ဟေတုပစ္စယာ. နောသညောဇနံ ဓမ္မံ ပဋိစ္စ နနောသညောဇနော ဓမ္မော ဥပ္ပဇ္ဇတိ ဟေတုပစ္စယာ. နောသညောဇနံ ဓမ္မံ ပဋိစ္စ နောသညောဇနော စ နနောသညောဇနော စ ဓမ္မာ ဥပ္ပဇ္ဇန္တိ ဟေတုပစ္စယာ. (3)
နနောသညောဇနံ ဓမ္မံ ပဋိစ္စ နနောသညောဇနော ဓမ္မော ဥပ္ပဇ္ဇတိ ဟေတုပစ္စယာ. နနောသညောဇနံ ဓမ္မံ ပဋိစ္စ နောသညောဇနော ဓမ္မော ဥပ္ပဇ္ဇတိ ဟေတုပစ္စယာ. နနောသညောဇနံ ဓမ္မံ ပဋိစ္စ နောသညောဇနော စ နနောသညောဇနော စ ဓမ္မာ ဥပ္ပဇ္ဇန္တိ ဟေတုပစ္စယာ. (3)
နောသညောဇနဉ္စ နနောသညောဇနဉ္စ ဓမ္မံ ပဋိစ္စ နောသညောဇနော ဓမ္မော ဥပ္ပဇ္ဇတိ ဟေတုပစ္စယာ. နောသညောဇနဉ္စ နနောသညောဇနဉ္စ ဓမ္မံ ပဋိစ္စ နနောသညောဇနော ဓမ္မော ဥပ္ပဇ္ဇတိ ဟေတုပစ္စယာ. နောသညောဇနဉ္စ နနောသညောဇနဉ္စ ဓမ္မံ ပဋိစ္စ နောသညောဇနော စ နနောသညောဇနော စ ဓမ္မာ ဥပ္ပဇ္ဇန္တိ ဟေတုပစ္စယာ. (3) (သံခိတ္တံ.)
ဟေတုယာ နဝ, အာရမ္မဏေ နဝ …ပေ… ဝိပါကေ ဧကံ …ပေ… အဝိဂတေ နဝ. (သဗ္ဗတ္ထ ဝိတ္ထာရော.)