22 သညောဇနသမ္ပယုတ္တဒုက
နသညောဇနသမ္ပယုတ္တံ ဓမ္မံ ပဋိစ္စ နသညောဇနသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. နသညောဇနသမ္ပယုတ္တံ ဓမ္မံ ပဋိစ္စ နသညောဇနဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. နသညောဇနသမ္ပယုတ္တံ ဓမ္မံ ပဋိစ္စ နသညောဇနသမ္ပယုတ္တော စ နသညောဇနဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ. (3)
နသညောဇနဝိပ္ပယုတ္တံ ဓမ္မံ ပဋိစ္စ နသညောဇနဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. နသညောဇနဝိပ္ပယုတ္တံ ဓမ္မံ ပဋိစ္စ နသညောဇနသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. နသညောဇနဝိပ္ပယုတ္တံ ဓမ္မံ ပဋိစ္စ နသညောဇနသမ္ပယုတ္တော စ နသညောဇနဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ. (3)
နသညောဇနသမ္ပယုတ္တဉ္စ နသညောဇနဝိပ္ပယုတ္တဉ္စ ဓမ္မံ ပဋိစ္စ နသညောဇနသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. နသညောဇနသမ္ပယုတ္တဉ္စ နသညောဇနဝိပ္ပယုတ္တဉ္စ ဓမ္မံ ပဋိစ္စ နသညောဇနဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. နသညောဇနသမ္ပယုတ္တဉ္စ နသညောဇနဝိပ္ပယုတ္တဉ္စ ဓမ္မံ ပဋိစ္စ နသညောဇနသမ္ပယုတ္တော စ နသညောဇနဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ. (3) (သံခိတ္တံ.)
ဟေတုယာ နဝ, အာရမ္မဏေ ဆ …ပေ… အဓိပတိယာ ပဉ္စ …ပေ… ဝိပါကေ ဧကံ …ပေ… အဝိဂတေ နဝ. (သဗ္ဗတ္ထ ဝိတ္ထာရော.)