25 သညောဇနဝိပ္ပယုတ္တသညောဇနိယဒုက
Review
39.
120
သညောဇနဝိပ္ပယုတ္တံ နသညောဇနိယံ ဓမ္မံ ပဋိစ္စ သညောဇနဝိပ္ပယုတ္တော နသညောဇနိယော ဓမ္မော ဥပ္ပဇ္ဇတိ ဟေတုပစ္စယာ. သညောဇနဝိပ္ပယုတ္တံ နသညောဇနိယံ ဓမ္မံ ပဋိစ္စ သညောဇနဝိပ္ပယုတ္တော နအသညောဇနိယော ဓမ္မော ဥပ္ပဇ္ဇတိ ဟေတုပစ္စယာ. သညောဇနဝိပ္ပယုတ္တံ နသညောဇနိယံ ဓမ္မံ ပဋိစ္စ သညောဇနဝိပ္ပယုတ္တော နသညောဇနိယော စ သညောဇနဝိပ္ပယုတ္တော နအသညောဇနိယော စ ဓမ္မာ ဥပ္ပဇ္ဇန္တိ ဟေတုပစ္စယာ. (3)
121
သညောဇနဝိပ္ပယုတ္တံ နအသညောဇနိယံ ဓမ္မံ ပဋိစ္စ သညောဇနဝိပ္ပယုတ္တော နအသညောဇနိယော ဓမ္မော ဥပ္ပဇ္ဇတိ ဟေတုပစ္စယာ. (1)
122
သညောဇနဝိပ္ပယုတ္တံ နသညောဇနိယဉ္စ သညောဇနဝိပ္ပယုတ္တံ နအသညောဇနိယဉ္စ ဓမ္မံ ပဋိစ္စ သညောဇနဝိပ္ပယုတ္တော နအသညောဇနိယော ဓမ္မော ဥပ္ပဇ္ဇတိ ဟေတုပစ္စယာ. (1) (သံခိတ္တံ.)
123
ဟေတုယာ ပဉ္စ, အာရမ္မဏေ ဒွေ …ပေ… အဝိဂတေ ပဉ္စ. (သဗ္ဗတ္ထ ဝိတ္ထာရော.)
124
သညောဇနဂေါစ္ဆကံ နိဋ္ဌိတံ.