34 သာရမ္မဏဒုက
နသာရမ္မဏံ ဓမ္မံ ပဋိစ္စ နသာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. နသာရမ္မဏံ ဓမ္မံ ပဋိစ္စ နအနာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. နသာရမ္မဏံ ဓမ္မံ ပဋိစ္စ နသာရမ္မဏော စ နအနာရမ္မဏော စ ဓမ္မာ ဥပ္ပဇ္ဇန္တိ ဟေတုပစ္စယာ. (3)
နအနာရမ္မဏံ ဓမ္မံ ပဋိစ္စ နအနာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. နအနာရမ္မဏံ ဓမ္မံ ပဋိစ္စ နသာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. နအနာရမ္မဏံ ဓမ္မံ ပဋိစ္စ နသာရမ္မဏော စ နအနာရမ္မဏော စ ဓမ္မာ ဥပ္ပဇ္ဇန္တိ ဟေတုပစ္စယာ. (3)
နသာရမ္မဏဉ္စ နအနာရမ္မဏဉ္စ ဓမ္မံ ပဋိစ္စ နသာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. နသာရမ္မဏဉ္စ နအနာရမ္မဏဉ္စ ဓမ္မံ ပဋိစ္စ နအနာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. နသာရမ္မဏဉ္စ နအနာရမ္မဏဉ္စ ဓမ္မံ ပဋိစ္စ နသာရမ္မဏော စ နအနာရမ္မဏော စ ဓမ္မာ ဥပ္ပဇ္ဇန္တိ ဟေတုပစ္စယာ. (3) (သံခိတ္တံ.)
ဟေတုယာ နဝ, အာရမ္မဏေ တီဏိ, အဓိပတိယာ ပဉ္စ …ပေ… အညမညေ ဆ …ပေ… ပုရေဇာတေ အာသေဝနေ ဧကံ …ပေ… အဝိဂတေ နဝ. (သဗ္ဗတ္ထ ဝိတ္ထာရော.)