6 သဟေတုကဒုကာဒိ, ကုသလတ္တိက
နသဟေတုကံ နကုသလံ ဓမ္မံ ပဋိစ္စ နသဟေတုကော နကုသလော ဓမ္မော ဥပ္ပဇ္ဇတိ ဟေတုပစ္စယာ— ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပဋိစ္စ စိတ္တသမုဋ္ဌာနံ ရူပံ, ဧကံ မဟာဘူတံ ပဋိစ္စ တယော မဟာဘူတာ …ပေ… ဒွေ မဟာဘူတေ …ပေ… နသဟေတုကံ နကုသလံ ဓမ္မံ ပဋိစ္စ နအဟေတုကော နကုသလော ဓမ္မော ဥပ္ပဇ္ဇတိ ဟေတုပစ္စယာ— ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပဋိစ္စ သမ္ပယုတ္တကာ ခန္ဓာ; ပဋိသန္ဓိက္ခဏေ ဝတ္ထုံ ပဋိစ္စ သဟေတုကာ ခန္ဓာ. နသဟေတုကံ နကုသလံ ဓမ္မံ ပဋိစ္စ နသဟေတုကော နကုသလော စ နအဟေတုကော နကုသလော စ ဓမ္မာ ဥပ္ပဇ္ဇန္တိ ဟေတုပစ္စယာ. (3)
နအဟေတုကံ နကုသလံ ဓမ္မံ ပဋိစ္စ နအဟေတုကော နကုသလော ဓမ္မော ဥပ္ပဇ္ဇတိ ဟေတုပစ္စယာ… တီဏိ.
နသဟေတုကံ နကုသလဉ္စ နအဟေတုကံ နကုသလဉ္စ ဓမ္မံ ပဋိစ္စ နသဟေတုကော နကုသလော ဓမ္မော ဥပ္ပဇ္ဇတိ ဟေတုပစ္စယာ… တီဏိ. (သံခိတ္တံ.)
ဟေတုယာ နဝ, အာရမ္မဏေ ဆ, အဓိပတိယာ ပဉ္စ …ပေ… အဝိဂတေ နဝ.
နသဟေတုကံ နအကုသလံ ဓမ္မံ ပဋိစ္စ နသဟေတုကော နအကုသလော ဓမ္မော ဥပ္ပဇ္ဇတိ ဟေတုပစ္စယာ… တီဏိ.
နအဟေတုကံ နအကုသလံ ဓမ္မံ ပဋိစ္စ နအဟေတုကော နအကုသလော ဓမ္မော ဥပ္ပဇ္ဇတိ ဟေတုပစ္စယာ… တီဏိ.
နသဟေတုကံ နအကုသလဉ္စ နအဟေတုကံ နအကုသလဉ္စ ဓမ္မံ ပဋိစ္စ နသဟေတုကော နအကုသလော ဓမ္မော ဥပ္ပဇ္ဇတိ ဟေတုပစ္စယာ… တီဏိ. (သံခိတ္တံ.)
ဟေတုယာ နဝ, အာရမ္မဏေ စတ္တာရိ, အဓိပတိယာ ပဉ္စ …ပေ… အညမညေ ဆ …ပေ… ပုရေဇာတေ အာသေဝနေ ဒွေ …ပေ… အဝိဂတေ နဝ.
နသဟေတုကံ နအဗျာကတံ ဓမ္မံ ပဋိစ္စ နအဟေတုကော နအဗျာကတော ဓမ္မော ဥပ္ပဇ္ဇတိ ဟေတုပစ္စယာ. (1)
နအဟေတုကံ နအဗျာကတံ ဓမ္မံ ပဋိစ္စ နအဟေတုကော နအဗျာကတော ဓမ္မော ဥပ္ပဇ္ဇတိ ဟေတုပစ္စယာ. (1)
နသဟေတုကံ နအဗျာကတဉ္စ နအဟေတုကံ နအဗျာကတဉ္စ ဓမ္မံ ပဋိစ္စ နအဟေတုကော နအဗျာကတော ဓမ္မော ဥပ္ပဇ္ဇတိ ဟေတုပစ္စယာ. (1) (သံခိတ္တံ.)
ဟေတုယာ တီဏိ, အာရမ္မဏေ ပဉ္စ, အဓိပတိယာ ဧကံ …ပေ… အဝိဂတေ ပဉ္စ.
(ဟေတုသမ္ပယုတ္တဒုကံ သဟေတုကဒုကသဒိသံ.)