5 မဟန္တရဒုက
နသာရမ္မဏံ ဓမ္မံ ပဋိစ္စ သာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. နသာရမ္မဏံ ဓမ္မံ ပဋိစ္စ အနာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. နသာရမ္မဏံ ဓမ္မံ ပဋိစ္စ သာရမ္မဏော စ အနာရမ္မဏော စ ဓမ္မာ ဥပ္ပဇ္ဇန္တိ ဟေတုပစ္စယာ… တီဏိ.
နအနာရမ္မဏံ ဓမ္မံ ပဋိစ္စ အနာရမ္မဏော ဓမ္မော ဥပ္ပဇ္ဇတိ ဟေတုပစ္စယာ… တီဏိ.
နသာရမ္မဏဉ္စ နအနာရမ္မဏဉ္စ ဓမ္မံ ပဋိစ္စ သာရမ္မဏော ဓမ္မော ဥပ္ပဇ္ဇတိ ဟေတုပစ္စယာ… တီဏိ. (သံခိတ္တံ.)
ဟေတုယာ နဝ, အာရမ္မဏေ တီဏိ, အဓိပတိယာ ပဉ္စ …ပေ… အညမညေ ဆ …ပေ… ပုရေဇာတေ အာသေဝနေ ဧကံ …ပေ… အဝိဂတေ နဝ.
နစိတ္တံ ဓမ္မံ ပဋိစ္စ စိတ္တော ဓမ္မော ဥပ္ပဇ္ဇတိ ဟေတုပစ္စယာ. နစိတ္တံ ဓမ္မံ ပဋိစ္စ နောစိတ္တော ဓမ္မော ဥပ္ပဇ္ဇတိ ဟေတုပစ္စယာ. နစိတ္တံ ဓမ္မံ ပဋိစ္စ စိတ္တော စ နောစိတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ… တီဏိ.
နနောစိတ္တံ ဓမ္မံ ပဋိစ္စ နောစိတ္တော ဓမ္မော ဥပ္ပဇ္ဇတိ ဟေတုပစ္စယာ… ဧကံ.
နစိတ္တဉ္စ နနောစိတ္တဉ္စ ဓမ္မံ ပဋိစ္စ နောစိတ္တော ဓမ္မော ဥပ္ပဇ္ဇတိ ဟေတုပစ္စယာ… ဧကံ. (သံခိတ္တံ.)
ဟေတုယာ ပဉ္စ …ပေ… အဝိဂတေ ပဉ္စ.
နစေတသိကံ ဓမ္မံ ပဋိစ္စ စေတသိကော ဓမ္မော ဥပ္ပဇ္ဇတိ ဟေတုပစ္စယာ. နစေတသိကံ ဓမ္မံ ပဋိစ္စ အစေတသိကော ဓမ္မော ဥပ္ပဇ္ဇတိ ဟေတုပစ္စယာ. နစေတသိကံ ဓမ္မံ ပဋိစ္စ စေတသိကော စ အစေတသိကော စ ဓမ္မာ ဥပ္ပဇ္ဇန္တိ ဟေတုပစ္စယာ. (သံခိတ္တံ.)
ဟေတုယာ နဝ …ပေ… ပုရေဇာတေ အာသေဝနေ ပဉ္စ …ပေ… အဝိဂတေ နဝ.
နစိတ္တသမ္ပယုတ္တံ ဓမ္မံ ပဋိစ္စ စိတ္တသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. နစိတ္တသမ္ပယုတ္တံ ဓမ္မံ ပဋိစ္စ စိတ္တဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. နစိတ္တသမ္ပယုတ္တံ ဓမ္မံ ပဋိစ္စ စိတ္တသမ္ပယုတ္တော စ စိတ္တဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ. (3)
နစိတ္တဝိပ္ပယုတ္တံ ဓမ္မံ ပဋိစ္စ စိတ္တဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. နစိတ္တဝိပ္ပယုတ္တံ ဓမ္မံ ပဋိစ္စ စိတ္တသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. နစိတ္တဝိပ္ပယုတ္တံ ဓမ္မံ ပဋိစ္စ စိတ္တသမ္ပယုတ္တော စ စိတ္တဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ. (3)
နစိတ္တသမ္ပယုတ္တဉ္စ နစိတ္တဝိပ္ပယုတ္တဉ္စ ဓမ္မံ ပဋိစ္စ စိတ္တသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ… တီဏိ. (သံခိတ္တံ.)
ဟေတုယာ နဝ, အာရမ္မဏေ တီဏိ, အဓိပတိယာ ပဉ္စ …ပေ… အညမညေ ဆ …ပေ… ပုရေဇာတေ အာသေဝနေ ဧကံ …ပေ… အဝိဂတေ နဝ.
နစိတ္တသံသဋ္ဌံ ဓမ္မံ ပဋိစ္စ စိတ္တသံသဋ္ဌော ဓမ္မော ဥပ္ပဇ္ဇတိ ဟေတုပစ္စယာ. နစိတ္တသံသဋ္ဌံ ဓမ္မံ ပဋိစ္စ စိတ္တဝိသံသဋ္ဌော ဓမ္မော ဥပ္ပဇ္ဇတိ ဟေတုပစ္စယာ. နစိတ္တသံသဋ္ဌံ ဓမ္မံ ပဋိစ္စ စိတ္တသံသဋ္ဌော စ စိတ္တဝိသံသဋ္ဌော စ ဓမ္မာ ဥပ္ပဇ္ဇန္တိ ဟေတုပစ္စယာ. (သံခိတ္တံ.)
ဟေတုယာ နဝ, အာရမ္မဏေ တီဏိ, အဓိပတိယာ ပဉ္စ …ပေ… အညမညေ ဆ …ပေ… ပုရေဇာတေ အာသေဝနေ ဧကံ …ပေ… အဝိဂတေ နဝ.
နစိတ္တသမုဋ္ဌာနံ ဓမ္မံ ပဋိစ္စ စိတ္တသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ. နစိတ္တသမုဋ္ဌာနံ ဓမ္မံ ပဋိစ္စ နောစိတ္တသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ. နစိတ္တသမုဋ္ဌာနံ ဓမ္မံ ပဋိစ္စ စိတ္တသမုဋ္ဌာနော စ နောစိတ္တသမုဋ္ဌာနော စ ဓမ္မာ ဥပ္ပဇ္ဇန္တိ ဟေတုပစ္စယာ. (သံခိတ္တံ.)
ဟေတုယာ နဝ, အာရမ္မဏေ နဝ, အဓိပတိယာ ပဉ္စ …ပေ… အဝိဂတေ နဝ.
နစိတ္တသဟဘုံ ဓမ္မံ ပဋိစ္စ စိတ္တသဟဘူ ဓမ္မော ဥပ္ပဇ္ဇတိ ဟေတုပစ္စယာ. နစိတ္တသဟဘုံ ဓမ္မံ ပဋိစ္စ နောစိတ္တသဟဘူ ဓမ္မော ဥပ္ပဇ္ဇတိ ဟေတုပစ္စယာ. နစိတ္တသဟဘုံ ဓမ္မံ ပဋိစ္စ စိတ္တသဟဘူ စ နောစိတ္တသဟဘူ စ ဓမ္မာ ဥပ္ပဇ္ဇန္တိ ဟေတုပစ္စယာ. (သံခိတ္တံ.)
ဟေတုယာ နဝ, အာရမ္မဏေ နဝ …ပေ… ပုရေဇာတေ အာသေဝနေ ပဉ္စ …ပေ… အဝိဂတေ နဝ.
နစိတ္တာနုပရိဝတ္တိံ ဓမ္မံ ပဋိစ္စ စိတ္တာနုပရိဝတ္တီ ဓမ္မော ဥပ္ပဇ္ဇတိ ဟေတုပစ္စယာ. နစိတ္တာနုပရိဝတ္တိံ ဓမ္မံ ပဋိစ္စ နောစိတ္တာနုပရိဝတ္တီ ဓမ္မော ဥပ္ပဇ္ဇတိ ဟေတုပစ္စယာ. နစိတ္တာနုပရိဝတ္တိံ ဓမ္မံ ပဋိစ္စ စိတ္တာနုပရိဝတ္တီ စ နောစိတ္တာနုပရိဝတ္တီ စ ဓမ္မာ ဥပ္ပဇ္ဇန္တိ ဟေတုပစ္စယာ. (သံခိတ္တံ.)
ဟေတုယာ နဝ, အာရမ္မဏေ နဝ …ပေ… ပုရေဇာတေ အာသေဝနေ ပဉ္စ …ပေ… အဝိဂတေ နဝ.
နစိတ္တသံသဋ္ဌသမုဋ္ဌာနံ ဓမ္မံ ပဋိစ္စ စိတ္တသံသဋ္ဌသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.)
ဟေတုယာ နဝ, အာရမ္မဏေ နဝ …ပေ… ပုရေဇာတေ အာသေဝနေ ပဉ္စ …ပေ… အဝိဂတေ နဝ.
နစိတ္တသံသဋ္ဌသမုဋ္ဌာနသဟဘုံ ဓမ္မံ ပဋိစ္စ စိတ္တသံသဋ္ဌသမုဋ္ဌာနသဟဘူ ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.)
ဟေတုယာ နဝ, အာရမ္မဏေ နဝ …ပေ… ပုရေဇာတေ အာသေဝနေ ပဉ္စ …ပေ… အဝိဂတေ နဝ.
နစိတ္တသံသဋ္ဌသမုဋ္ဌာနာနုပရိဝတ္တိံ ဓမ္မံ ပဋိစ္စ စိတ္တသံသဋ္ဌသမုဋ္ဌာနာနုပရိဝတ္တီ ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.)
ဟေတုယာ နဝ, အာရမ္မဏေ နဝ …ပေ… ပုရေဇာတေ အာသေဝနေ ပဉ္စ …ပေ… အဝိဂတေ နဝ.
နအဇ္ဈတ္တိကံ ဓမ္မံ ပဋိစ္စ အဇ္ဈတ္တိကော ဓမ္မော ဥပ္ပဇ္ဇတိ ဟေတုပစ္စယာ… တီဏိ.
နဗာဟိရံ ဓမ္မံ ပဋိစ္စ ဗာဟိရော ဓမ္မော ဥပ္ပဇ္ဇတိ ဟေတုပစ္စယာ… တီဏိ.
နအဇ္ဈတ္တိကဉ္စ နဗာဟိရဉ္စ ဓမ္မံ ပဋိစ္စ အဇ္ဈတ္တိကော ဓမ္မော ဥပ္ပဇ္ဇတိ ဟေတုပစ္စယာ… တီဏိ. (သံခိတ္တံ.)
ဟေတုယာ နဝ, အာရမ္မဏေ ပဉ္စ …ပေ… အဝိဂတေ နဝ.
နော်ပါဒါ ဓမ္မံ ပဋိစ္စ ဥပါဒါ ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.)
ဟေတုယာ ပဉ္စ, အာရမ္မဏေ တီဏိ …ပေ… ပုရေဇာတေ အာသေဝနေ ဧကံ …ပေ… အဝိဂတေ ပဉ္စ.
နော်ပါဒိန္နံ ဓမ္မံ ပဋိစ္စ အနုပါဒိန္နော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.)
ဟေတုယာ ပဉ္စ, အာရမ္မဏေ ဒွေ, အဓိပတိယာ ဧကံ …ပေ… အာသေဝနေ ဧကံ …ပေ… အဝိဂတေ ပဉ္စ.