19 ဟေတုဒုက, ဥပါဒိန္နတ္တိက
နဟေတု နော်ပါဒိန္နုပါဒါနိယော ဓမ္မော ဟေတုဿ ဥပါဒိန္နုပါဒါနိယဿ ဓမ္မဿ အာရမ္မဏပစ္စယေန ပစ္စယော. နဟေတု နော်ပါဒိန္နုပါဒါနိယော ဓမ္မော နဟေတုဿ ဥပါဒိန္နုပါဒါနိယဿ ဓမ္မဿ အာရမ္မဏပစ္စယေန ပစ္စယော. နဟေတု နော်ပါဒိန္နုပါဒါနိယော ဓမ္မော ဟေတုဿ ဥပါဒိန္နုပါဒါနိယဿ စ နဟေတုဿ ဥပါဒိန္နုပါဒါနိယဿ စ ဓမ္မဿ အာရမ္မဏပစ္စယေန ပစ္စယော. (3)
နနဟေတု နော်ပါဒိန္နုပါဒါနိယော ဓမ္မော နဟေတုဿ ဥပါဒိန္နုပါဒါနိယဿ ဓမ္မဿ အာရမ္မဏပစ္စယေန ပစ္စယော… တီဏိ.
နဟေတု နော်ပါဒိန္နုပါဒါနိယော စ နနဟေတု နော်ပါဒိန္နုပါဒါနိယော စ ဓမ္မာ ဟေတုဿ ဥပါဒိန္နုပါဒါနိယဿ ဓမ္မဿ အာရမ္မဏပစ္စယေန ပစ္စယော… တီဏိ. (သံခိတ္တံ. နဝ ပဉှာ.) အာရမ္မဏေ အနန္တရေ သမနန္တရေ ဥပ္ပနိဿယေ နဝ, ပုရေဇာတေ တီဏိ, ကမ္မေ တီဏိ, အာဟာရေ ဧကံ, အတ္ထိယာ တီဏိ, နတ္ထိယာ ဝိဂတေ နဝ, အဝိဂတေ တီဏိ.
နဟေတုံ နအနုပါဒိန္နုပါဒါနိယံ ဓမ္မံ ပစ္စယာ ဟေတု အနုပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ, အဓိပတိယာ တီဏိ …ပေ… အဝိဂတေ တီဏိ.
နဟေတုံ နအနုပါဒိန္နအနုပါဒါနိယံ ဓမ္မံ ပစ္စယာ ဟေတု အနုပါဒိန္နအနုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ …ပေ… အဝိဂတေ တီဏိ.