2 သဟေတုကဒုကာဒိ, ကုသလတ္တိက
နသဟေတုကံ နကုသလံ ဓမ္မံ ပစ္စယာ သဟေတုကော ကုသလော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ ဧကံ …ပေ… အဝိဂတေ ဧကံ.
နသဟေတုကံ နအကုသလံ ဓမ္မံ ပစ္စယာ သဟေတုကော အကုသလော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ ဧကံ, အာရမ္မဏေ တီဏိ, အဓိပတိယာ ဧကံ …ပေ… အဝိဂတေ တီဏိ.
နသဟေတုကံ နအဗျာကတံ ဓမ္မံ ပဋိစ္စ အဟေတုကော အဗျာကတော ဓမ္မော ဥပ္ပဇ္ဇတိ ဟေတုပစ္စယာ. နအဟေတုကံ နအဗျာကတံ ဓမ္မံ ပဋိစ္စ အဟေတုကော အဗျာကတော ဓမ္မော ဥပ္ပဇ္ဇတိ ဟေတုပစ္စယာ. နသဟေတုကံ နအဗျာကတဉ္စ နအဟေတုကံ နအဗျာကတဉ္စ ဓမ္မံ ပဋိစ္စ အဟေတုကော အဗျာကတော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.)
ဟေတုယာ တီဏိ, အဓိပတိယာ ဧကံ …ပေ… အဝိဂတေ တီဏိ.
နဟေတုသမ္ပယုတ္တံ နကုသလံ ဓမ္မံ ပစ္စယာ …ပေ… ဟေတုယာ ဧကံ …ပေ… အဝိဂတေ ဧကံ. (သံခိတ္တံ.)
နဟေတု စေဝ နအဟေတုကော စ နကုသလော ဓမ္မော ဟေတုဿ စေဝ သဟေတုကဿ စ ကုသလဿ ဓမ္မဿ အာရမ္မဏပစ္စယေန ပစ္စယော. နဟေတု စေဝ နအဟေတုကော စ နကုသလော ဓမ္မော သဟေတုကဿ စေဝ န စ ဟေတုဿ ကုသလဿ ဓမ္မဿ အာရမ္မဏပစ္စယေန ပစ္စယော. နဟေတု စေဝ နအဟေတုကော စ နကုသလော ဓမ္မော ဟေတုဿ စေဝ သဟေတုကဿ ကုသလဿ စ သဟေတုကဿ စေဝ န စ ဟေတုဿ ကုသလဿ စ ဓမ္မဿ အာရမ္မဏပစ္စယေန ပစ္စယော… တီဏိ.
နအဟေတုကော စေဝ နန စ ဟေတု နကုသလော ဓမ္မော ဟေတုဿ စေဝ သဟေတုကဿ စ ကုသလဿ ဓမ္မဿ အာရမ္မဏပစ္စယေန ပစ္စယော… တီဏိ.
နဟေတု စေဝ နအဟေတုကော နကုသလော စ နအဟေတုကော စေဝ နနဟေတု နကုသလော စ ဓမ္မာ ဟေတုဿ စေဝ သဟေတုကဿ စ ကုသလဿ ဓမ္မဿ အာရမ္မဏပစ္စယေန ပစ္စယော… တီဏိ. (သံခိတ္တံ. သဗ္ဗတ္ထ နဝ ပဉှာ.)
အာရမ္မဏေ အဓိပတိယာ ဥပနိဿယေ နဝ.
နဟေတု စေဝ နအဟေတုကော စ နအကုသလော ဓမ္မော ဟေတုဿ စေဝ သဟေတုကဿ စ အကုသလဿ ဓမ္မဿ အာရမ္မဏပစ္စယေန ပစ္စယော. (သံခိတ္တံ. နဝ ပဉှာ.) အာရမ္မဏေ အဓိပတိယာ ဥပနိဿယေ နဝ.
နဟေတု စေဝ နအဟေတုကော စ နအဗျာကတော ဓမ္မော ဟေတုဿ စေဝ သဟေတုကဿ စ အဗျာကတဿ ဓမ္မဿ အာရမ္မဏပစ္စယေန ပစ္စယော… တီဏိ. (သံခိတ္တံ. နဝ ပဉှာ.) အာရမ္မဏေ အဓိပတိယာ အနန္တရေ သမနန္တရေ ဥပနိဿယေ နဝ, ကမ္မေ တီဏိ, နတ္ထိယာ ဝိဂတေ နဝ.