5 စူဠန္တရဒုက, ကုသလတ္တိက
နအပ္ပစ္စယံ နကုသလံ ဓမ္မံ ပစ္စယာ သပ္ပစ္စယော ကုသလော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ ဧကံ …ပေ… အဝိဂတေ ဧကံ.
နအပ္ပစ္စယံ နအကုသလံ ဓမ္မံ ပစ္စယာ သပ္ပစ္စယော အကုသလော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ ဧကံ …ပေ… အဝိဂတေ ဧကံ.
နအပ္ပစ္စယံ နအဗျာကတံ ဓမ္မံ ပဋိစ္စ သပ္ပစ္စယော အဗျာကတော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ ဧကံ, အဓိပတိယာ ဧကံ …ပေ… အဝိဂတေ ဧကံ.
နအသင်္ခတံ …ပေ… . (သပ္ပစ္စယဒုကသဒိသံ.)
နသနိဒဿနံ နကုသလံ ဓမ္မံ ပစ္စယာ အနိဒဿနော ကုသလော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ ဧကံ …ပေ… အဝိဂတေ ဧကံ.
နသနိဒဿနံ နအကုသလံ ဓမ္မံ ပစ္စယာ အနိဒဿနော အကုသလော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ ဧကံ …ပေ… အဝိဂတေ ဧကံ.
နသနိဒဿနံ နအဗျာကတံ ဓမ္မံ ပဋိစ္စ သနိဒဿနော အဗျာကတော ဓမ္မော ဥပ္ပဇ္ဇတိ ဟေတုပစ္စယာ. နသနိဒဿနံ နအဗျာကတံ ဓမ္မံ ပဋိစ္စ အနိဒဿနော အဗျာကတော ဓမ္မော ဥပ္ပဇ္ဇတိ ဟေတုပစ္စယာ. နသနိဒဿနံ နအဗျာကတံ ဓမ္မံ ပဋိစ္စ သနိဒဿနော အဗျာကတော စ အနိဒဿနော အဗျာကတော စ ဓမ္မာ ဥပ္ပဇ္ဇန္တိ ဟေတုပစ္စယာ. (3) (သံခိတ္တံ.) ဟေတုယာ တီဏိ, အဓိပတိယာ တီဏိ …ပေ… အဝိဂတေ တီဏိ.
နသပ္ပဋိဃံ နကုသလံ ဓမ္မံ ပစ္စယာ အပ္ပဋိဃော ကုသလော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ ဧကံ …ပေ… အဝိဂတေ ဧကံ.
နသပ္ပဋိဃံ နအကုသလံ ဓမ္မံ ပစ္စယာ အပ္ပဋိဃော အကုသလော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ ဧကံ …ပေ… အဝိဂတေ ဧကံ.
နသပ္ပဋိဃံ နအဗျာကတံ ဓမ္မံ ပဋိစ္စ သပ္ပဋိဃော အဗျာကတော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ, အဓိပတိယာ တီဏိ …ပေ… အဝိဂတေ တီဏိ.
နအရူပိံ နကုသလံ ဓမ္မံ ပစ္စယာ အရူပီ ကုသလော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ ဧကံ …ပေ… အဝိဂတေ ဧကံ.
နအရူပိံ နအကုသလံ ဓမ္မံ ပစ္စယာ အရူပီ အကုသလော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ ဧကံ …ပေ… အဝိဂတေ ဧကံ.
နရူပိံ နအဗျာကတံ ဓမ္မံ ပဋိစ္စ ရူပီ အဗျာကတော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ ဧကံ, အဓိပတိယာ ဧကံ …ပေ… အဝိဂတေ ဧကံ.
နလောကုတ္တရံ နကုသလံ ဓမ္မံ ပစ္စယာ လောကိယော ကုသလော ဓမ္မော ဥပ္ပဇ္ဇတိ ဟေတုပစ္စယာ. နလောကုတ္တရံ နကုသလံ ဓမ္မံ ပစ္စယာ လောကုတ္တရော ကုသလော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ ဒွေ …ပေ… အဝိဂတေ ဒွေ.
နလောကုတ္တရံ နအကုသလံ ဓမ္မံ ပစ္စယာ လောကိယော အကုသလော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ ဧကံ …ပေ… အဝိဂတေ ဧကံ.
နလောကိယံ နအဗျာကတံ ဓမ္မံ ပဋိစ္စ လောကိယော အဗျာကတော ဓမ္မော ဥပ္ပဇ္ဇတိ ဟေတုပစ္စယာ. နလောကုတ္တရံ နအဗျာကတံ ဓမ္မံ ပဋိစ္စ လောကိယော အဗျာကတော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ ဒွေ, အဓိပတိယာ ဒွေ …ပေ… အဝိဂတေ ဒွေ.
နကေနစိ ဝိညေယျံ နကုသလံ ဓမ္မံ ပစ္စယာ ကေနစိ ဝိညေယျော ကုသလော ဓမ္မော ဥပ္ပဇ္ဇတိ ဟေတုပစ္စယာ… တီဏိ.
နကေနစိ နဝိညေယျံ နကုသလံ ဓမ္မံ ပစ္စယာ ကေနစိ နဝိညေယျော ကုသလော ဓမ္မော ဥပ္ပဇ္ဇတိ ဟေတုပစ္စယာ… တီဏိ.
နကေနစိ ဝိညေယျံ နကုသလဉ္စ နကေနစိ နဝိညေယျံ နကုသလဉ္စ ဓမ္မံ ပစ္စယာ ကေနစိ ဝိညေယျော ကုသလော ဓမ္မော ဥပ္ပဇ္ဇတိ ဟေတုပစ္စယာ… တီဏိ. (သဗ္ဗတ္ထ နဝ.)
နကေနစိ ဝိညေယျံ နအကုသလံ ဓမ္မံ ပစ္စယာ ကေနစိ ဝိညေယျော အကုသလော ဓမ္မော ဥပ္ပဇ္ဇတိ ဟေတုပစ္စယာ. နကေနစိ နဝိညေယျံ နအကုသလံ ဓမ္မံ ပစ္စယာ ကေနစိ နဝိညေယျော အကုသလော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ နဝ …ပေ… အဝိဂတေ နဝ.
နကေနစိ ဝိညေယျံ နအဗျာကတံ ဓမ္မံ ပဋိစ္စ ကေနစိ ဝိညေယျော အဗျာကတော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ နဝ, အဓိပတိယာ နဝ …ပေ… အဝိဂတေ နဝ.