50 အာသဝဝိပ္ပယုတ္တသာသဝဒုက, သနိဒဿနတ္တိက
Review
98.
262
အာသဝဝိပ္ပယုတ္တံ နသာသဝံ နသနိဒဿနသပ္ပဋိဃံ ဓမ္မံ ပဋိစ္စ အာသဝဝိပ္ပယုတ္တော သာသဝေါ သနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ… ဧကံ.
263
အာသဝဝိပ္ပယုတ္တံ နအနာသဝံ နသနိဒဿနသပ္ပဋိဃံ ဓမ္မံ ပဋိစ္စ အာသဝဝိပ္ပယုတ္တော သာသဝေါ သနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ… ဧကံ. (ဂဏိတကေန တီဏိ. သံခိတ္တံ.) ဟေတုယာ တီဏိ, အဓိပတိယာ တီဏိ …ပေ… အဝိဂတေ တီဏိ.
264
(အာသဝဝိပ္ပယုတ္တနသာသဝနအနိဒဿနသပ္ပဋိဃမူလေပိ ပုရိမနယေနေဝ တီဏိ ပဉှာ.) ဟေတုယာ တီဏိ, အဓိပတိယာ တီဏိ …ပေ… အညမညေ ဧကံ …ပေ… အဝိဂတေ တီဏိ.
265
အာသဝဝိပ္ပယုတ္တံ နအနာသဝံ နအနိဒဿနအပ္ပဋိဃံ ဓမ္မံ ပဋိစ္စ အာသဝဝိပ္ပယုတ္တော သာသဝေါ အနိဒဿနအပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ ဧကံ, အဓိပတိယာ ဧကံ …ပေ… အဝိဂတေ ဧကံ.