1 ကုသလတ္တိက, ဟေတုဒုက
နကုသလံ နဟေတုံ ဓမ္မံ ပဋိစ္စ အကုသလော ဟေတု ဓမ္မော ဥပ္ပဇ္ဇတိ ဟေတုပစ္စယာ. နကုသလံ နဟေတုံ ဓမ္မံ ပဋိစ္စ အဗျာကတော ဟေတု ဓမ္မော ဥပ္ပဇ္ဇတိ ဟေတုပစ္စယာ. (2)
နအကုသလံ နဟေတုံ ဓမ္မံ ပဋိစ္စ ကုသလော ဟေတု ဓမ္မော ဥပ္ပဇ္ဇတိ ဟေတုပစ္စယာ. နအကုသလံ နဟေတုံ ဓမ္မံ ပဋိစ္စ အဗျာကတော ဟေတု ဓမ္မော ဥပ္ပဇ္ဇတိ ဟေတုပစ္စယာ. (2)
နအဗျာကတံ နဟေတုံ ဓမ္မံ ပဋိစ္စ ကုသလော ဟေတု ဓမ္မော ဥပ္ပဇ္ဇတိ ဟေတုပစ္စယာ. နအဗျာကတံ နဟေတုံ ဓမ္မံ ပဋိစ္စ အကုသလော ဟေတု ဓမ္မော ဥပ္ပဇ္ဇတိ ဟေတုပစ္စယာ. (2)
နကုသလံ နဟေတုဉ္စ နအဗျာကတံ နဟေတုဉ္စ ဓမ္မံ ပဋိစ္စ အကုသလော ဟေတု ဓမ္မော ဥပ္ပဇ္ဇတိ ဟေတုပစ္စယာ. နအကုသလံ နဟေတုဉ္စ နအဗျာကတံ နဟေတုဉ္စ ဓမ္မံ ပဋိစ္စ ကုသလော ဟေတု ဓမ္မော ဥပ္ပဇ္ဇတိ ဟေတုပစ္စယာ. နကုသလံ နဟေတုဉ္စ နအကုသလံ နဟေတုဉ္စ ဓမ္မံ ပဋိစ္စ အဗျာကတော ဟေတု ဓမ္မော ဥပ္ပဇ္ဇတိ ဟေတုပစ္စယာ… တီဏိ. (သံခိတ္တံ.)
ဟေတုယာ နဝ …ပေ… ဝိပါကေ တီဏိ …ပေ… အဝိဂတေ နဝ.
နကုသလံ နနဟေတုံ ဓမ္မံ ပဋိစ္စ အကုသလော နဟေတု ဓမ္မော ဥပ္ပဇ္ဇတိ ဟေတုပစ္စယာ. နကုသလံ နနဟေတုံ ဓမ္မံ ပဋိစ္စ အဗျာကတော နဟေတု ဓမ္မော ဥပ္ပဇ္ဇတိ ဟေတုပစ္စယာ. နကုသလံ နနဟေတုံ ဓမ္မံ ပဋိစ္စ အကုသလော နဟေတု စ အဗျာကတော နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ… တီဏိ.
နအကုသလံ နနဟေတုံ ဓမ္မံ ပဋိစ္စ ကုသလော နဟေတု ဓမ္မော ဥပ္ပဇ္ဇတိ ဟေတုပစ္စယာ. နအကုသလံ နနဟေတုံ ဓမ္မံ ပဋိစ္စ အဗျာကတော နဟေတု ဓမ္မော ဥပ္ပဇ္ဇတိ ဟေတုပစ္စယာ. နအကုသလံ နနဟေတုံ ဓမ္မံ ပဋိစ္စ ကုသလော နဟေတု စ အဗျာကတော နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ… တီဏိ.
နအဗျာကတံ နနဟေတုံ ဓမ္မံ ပဋိစ္စ အဗျာကတော နဟေတု ဓမ္မော ဥပ္ပဇ္ဇတိ ဟေတုပစ္စယာ… ပဉ္စ.
နကုသလံ နနဟေတုဉ္စ နအဗျာကတံ နနဟေတုဉ္စ ဓမ္မံ ပဋိစ္စ အကုသလော နဟေတု ဓမ္မော ဥပ္ပဇ္ဇတိ ဟေတုပစ္စယာ… တီဏိ.
နအကုသလံ နနဟေတုဉ္စ နအဗျာကတံ နနဟေတုဉ္စ ဓမ္မံ ပဋိစ္စ ကုသလော နဟေတု ဓမ္မော ဥပ္ပဇ္ဇတိ ဟေတုပစ္စယာ… တီဏိ.
နကုသလံ နနဟေတုဉ္စ နအကုသလံ နနဟေတုဉ္စ ဓမ္မံ ပဋိစ္စ အဗျာကတော နဟေတု ဓမ္မော ဥပ္ပဇ္ဇတိ ဟေတုပစ္စယာ… ဧကံ. (သံခိတ္တံ.)
ဟေတုယာ အဋ္ဌာရသ, အာရမ္မဏေ နဝ …ပေ… ဝိပါကေ တီဏိ …ပေ… အဝိဂတေ အဋ္ဌာရသ.