26 သနိဒဿနတ္တိက, ဟေတုဒုက
Review
57.
135
နသနိဒဿနသပ္ပဋိဃံ နဟေတုံ ဓမ္မံ ပဋိစ္စ အနိဒဿနအပ္ပဋိဃော ဟေတု ဓမ္မော ဥပ္ပဇ္ဇတိ ဟေတုပစ္စယာ. နအနိဒဿနသပ္ပဋိဃံ နဟေတုံ ဓမ္မံ ပဋိစ္စ အနိဒဿနအပ္ပဋိဃော ဟေတု ဓမ္မော ဥပ္ပဇ္ဇတိ ဟေတုပစ္စယာ. နသနိဒဿနသပ္ပဋိဃံ နဟေတုဉ္စ နအနိဒဿနသပ္ပဋိဃံ နဟေတုဉ္စ ဓမ္မံ ပဋိစ္စ အနိဒဿနအပ္ပဋိဃော ဟေတု ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ …ပေ… အဝိဂတေ တီဏိ.
136
နသနိဒဿနသပ္ပဋိဃံ နနဟေတုံ ဓမ္မံ ပဋိစ္စ သနိဒဿနသပ္ပဋိဃော နဟေတု ဓမ္မော ဥပ္ပဇ္ဇတိ ဟေတုပစ္စယာ. နသနိဒဿနသပ္ပဋိဃံ နနဟေတုံ ဓမ္မံ ပဋိစ္စ အနိဒဿနသပ္ပဋိဃော နဟေတု ဓမ္မော ဥပ္ပဇ္ဇတိ ဟေတုပစ္စယာ. (နဟေတု နနဟေတု ဩဝတ္တာ, တီဏိ မူလာနိ, ဧကဝီသတိ ပဉှာ ကာတဗ္ဗာ.) ဟေတုယာ ဧကဝီသ, အာရမ္မဏေ တီဏိ …ပေ… အဝိဂတေ ဧကဝီသ.