29 သနိဒဿနတ္တိက, စူဠန္တရဒုက
နသနိဒဿနသပ္ပဋိဃော နသပ္ပစ္စယော ဓမ္မော အနိဒဿနအပ္ပဋိဃဿ သပ္ပစ္စယဿ ဓမ္မဿ အာရမ္မဏပစ္စယေန ပစ္စယော. (သံခိတ္တံ.) အာရမ္မဏေ တီဏိ, အဓိပတိယာ ဥပနိဿယေ တီဏိ.
နသနိဒဿနသပ္ပဋိဃံ နသနိဒဿနံ ဓမ္မံ ပဋိစ္စ သနိဒဿနသပ္ပဋိဃော သနိဒဿနော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ ပဉ္စ, အဓိပတိယာ ပဉ္စ …ပေ… အဝိဂတေ ပဉ္စ.
နအနိဒဿနအပ္ပဋိဃော နနသနိဒဿနော ဓမ္မော အနိဒဿနအပ္ပဋိဃဿ နသနိဒဿနဿ ဓမ္မဿ အာရမ္မဏပစ္စယေန ပစ္စယော. (သံခိတ္တံ.) အာရမ္မဏေ တီဏိ, အဓိပတိယာ ဥပနိဿယေ ပုရေဇာတေ အတ္ထိယာ အဝိဂတေ တီဏိ.
နသနိဒဿနသပ္ပဋိဃံ နသပ္ပဋိဃံ ဓမ္မံ ပဋိစ္စ သနိဒဿနသပ္ပဋိဃော သပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ နဝ, အဓိပတိယာ နဝ …ပေ… အညမညေ တီဏိ …ပေ… အဝိဂတေ နဝ.
နသနိဒဿနသပ္ပဋိဃံ နအပ္ပဋိဃံ ဓမ္မံ ပဋိစ္စ အနိဒဿနအပ္ပဋိဃော အပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ, အဓိပတိယာ တီဏိ …ပေ… အဝိဂတေ တီဏိ.
နသနိဒဿနသပ္ပဋိဃံ နရူပိံ ဓမ္မံ ပဋိစ္စ သနိဒဿနသပ္ပဋိဃော ရူပီ ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ ဧကဝီသ, အဓိပတိယာ ဧကဝီသ …ပေ… အညမညေ တီဏိ …ပေ… အဝိဂတေ ဧကဝီသ.
နသနိဒဿနသပ္ပဋိဃံ နအရူပိံ ဓမ္မံ ပဋိစ္စ အနိဒဿနအပ္ပဋိဃော အရူပီ ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ …ပေ… အဝိဂတေ တီဏိ.
နသနိဒဿနသပ္ပဋိဃံ နလောကိယံ ဓမ္မံ ပဋိစ္စ သနိဒဿနသပ္ပဋိဃော လောကိယော ဓမ္မော ဥပ္ပဇ္ဇတိ ဟေတုပစ္စယာ… သတ္တ.
နသနိဒဿနသပ္ပဋိဃံ နလောကုတ္တရံ ဓမ္မံ ပစ္စယာ အနိဒဿနအပ္ပဋိဃော လောကုတ္တရော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ …ပေ… အဝိဂတေ တီဏိ.
နအနိဒဿနသပ္ပဋိဃံ နလောကိယံ ဓမ္မံ ပဋိစ္စ အနိဒဿနသပ္ပဋိဃော လောကိယော ဓမ္မော ဥပ္ပဇ္ဇတိ ဟေတုပစ္စယာ… သတ္တ. ဟေတုယာ ဧကဝီသ.
နသနိဒဿနသပ္ပဋိဃံ နလောကိယဉ္စ နအနိဒဿနသပ္ပဋိဃံ နလောကိယဉ္စ ဓမ္မံ ပဋိစ္စ သနိဒဿနသပ္ပဋိဃော လောကိယော ဓမ္မော ဥပ္ပဇ္ဇတိ ဟေတုပစ္စယာ… သတ္တ. (သံခိတ္တံ.) ဟေတုယာ ဧကဝီသ, အဓိပတိယာ ဧကဝီသ …ပေ… အဝိဂတေ ဧကဝီသ.
နသနိဒဿနသပ္ပဋိဃံ နလောကုတ္တရံ ဓမ္မံ ပစ္စယာ အနိဒဿနအပ္ပဋိဃော လောကုတ္တရော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ …ပေ… အဝိဂတေ တီဏိ.
နသနိဒဿနသပ္ပဋိဃံ နကေနစိ ဝိညေယျံ ဓမ္မံ ပဋိစ္စ သနိဒဿနသပ္ပဋိဃော ကေနစိ ဝိညေယျော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ ပဉ္စတိံသ, အာရမ္မဏေ တီဏိ …ပေ… အညမညေ ပန္နရသ …ပေ… အဝိဂတေ ပဉ္စတိံသ.
နသနိဒဿနသပ္ပဋိဃံ နနကေနစိ ဝိညေယျံ ဓမ္မံ ပဋိစ္စ သနိဒဿနသပ္ပဋိဃော နကေနစိ ဝိညေယျော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ ပဉ္စတိံသ, အာရမ္မဏေ တီဏိ …ပေ… အညမညေ ပန္နရသ …ပေ… အဝိဂတေ ပဉ္စတိံသ.