5 ကုသလတ္တိက, စူဠန္တရဒုက
နကုသလော နသပ္ပစ္စယော ဓမ္မော ကုသလဿ သပ္ပစ္စယဿ ဓမ္မဿ အာရမ္မဏပစ္စယေန ပစ္စယော… . အာရမ္မဏေ ဆ, အဓိပတိယာ ဥပနိဿယေ ဆ. (သင်္ခတံ သပ္ပစ္စယသဒိသံ.)
နကုသလံ နသနိဒဿနံ ဓမ္မံ ပဋိစ္စ အဗျာကတော သနိဒဿနော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ ဆ, အဓိပတိယာ ဆ …ပေ… ဝိပါကေ တီဏိ …ပေ… အဝိဂတေ ဆ.
နကုသလော နအနိဒဿနော ဓမ္မော ကုသလဿ အနိဒဿနဿ ဓမ္မဿ အာရမ္မဏပစ္စယေန ပစ္စယော. (နဝ ပဉှာ ကာတဗ္ဗာ.) အာရမ္မဏေ နဝ, အဓိပတိယာ တီဏိ, ဥပနိဿယေ ပုရေဇာတေ အတ္ထိယာ အဝိဂတေ နဝ.
နကုသလံ နသပ္ပဋိဃံ ဓမ္မံ ပဋိစ္စ အဗျာကတော သပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ ဆ, အဓိပတိယာ ဆ …ပေ… အညမညေ တီဏိ …ပေ… ဝိပါကေ တီဏိ …ပေ… အဝိဂတေ ဆ.
နကုသလံ နအပ္ပဋိဃံ ဓမ္မံ ပဋိစ္စ အဗျာကတော အပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ, အဓိပတိယာ တီဏိ …ပေ… အဝိဂတေ တီဏိ.
နကုသလံ နရူပိံ ဓမ္မံ ပဋိစ္စ အဗျာကတော ရူပီ ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ ဆ, အဓိပတိယာ ဆ …ပေ… အညမညေ တီဏိ …ပေ… ဝိပါကေ တီဏိ …ပေ… အဝိဂတေ ဆ.
နကုသလံ နအရူပိံ ဓမ္မံ ပဋိစ္စ အဗျာကတော အရူပီ ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ …ပေ… အဝိဂတေ တီဏိ.
နကုသလံ နလောကိယံ ဓမ္မံ ပဋိစ္စ အဗျာကတော လောကိယော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ ပဉ္စ, အဓိပတိယာ ပဉ္စ …ပေ… ဝိပါကေ တီဏိ …ပေ… အဝိဂတေ ပဉ္စ.
နကုသလံ နလောကုတ္တရံ ဓမ္မံ ပစ္စယာ ကုသလော လောကုတ္တရော ဓမ္မော ဥပ္ပဇ္ဇတိ ဟေတုပစ္စယာ. နကုသလံ နလောကုတ္တရံ ဓမ္မံ ပစ္စယာ အဗျာကတော လောကုတ္တရော ဓမ္မော ဥပ္ပဇ္ဇတိ ဟေတုပစ္စယာ. (ဆ ပဉှာ ကာတဗ္ဗာ.) ဟေတုယာ ဆ, အဓိပတိယာ ဆ …ပေ… ဝိပါကေ တီဏိ …ပေ… အဝိဂတေ ဆ.
နကုသလံ နကေနစိ ဝိညေယျံ ဓမ္မံ ပဋိစ္စ အကုသလော ကေနစိ ဝိညေယျော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ အဋ္ဌာရသ, အာရမ္မဏေ နဝ …ပေ… ဝိပါကေ တီဏိ …ပေ… အဝိဂတေ အဋ္ဌာရသ.
နကုသလံ နကေနစိ နဝိညေယျံ ဓမ္မံ ပဋိစ္စ အကုသလော ကေနစိ ဝိညေယျော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ အဋ္ဌာရသ, အာရမ္မဏေ နဝ …ပေ… ဝိပါကေ တီဏိ …ပေ… အဝိဂတေ အဋ္ဌာရသ.