20 ဝေဒနာတ္တိက, ကုသလတ္တိက
နသုခါယ ဝေဒနာယ သမ္ပယုတ္တံ နကုသလံ ဓမ္မံ ပစ္စယာ သုခါယ ဝေဒနာယ သမ္ပယုတ္တော ကုသလော ဓမ္မော ဥပ္ပဇ္ဇတိ ဟေတုပစ္စယာ. နသုခါယ ဝေဒနာယ သမ္ပယုတ္တံ နကုသလံ ဓမ္မံ ပစ္စယာ အဒုက္ခမသုခါယ ဝေဒနာယ သမ္ပယုတ္တော ကုသလော ဓမ္မော ဥပ္ပဇ္ဇတိ ဟေတုပစ္စယာ… ဒွေ.
နဒုက္ခာယ ဝေဒနာယ သမ္ပယုတ္တံ နကုသလံ ဓမ္မံ ပစ္စယာ သုခါယ ဝေဒနာယ သမ္ပယုတ္တော ကုသလော ဓမ္မော ဥပ္ပဇ္ဇတိ ဟေတုပစ္စယာ. နဒုက္ခာယ ဝေဒနာယ သမ္ပယုတ္တံ နကုသလံ ဓမ္မံ ပစ္စယာ အဒုက္ခမသုခါယ ဝေဒနာယ သမ္ပယုတ္တော ကုသလော ဓမ္မော ဥပ္ပဇ္ဇတိ ဟေတုပစ္စယာ… ဒွေ.
နအဒုက္ခမသုခါယ ဝေဒနာယ သမ္ပယုတ္တံ နကုသလံ ဓမ္မံ ပစ္စယာ အဒုက္ခမသုခါယ ဝေဒနာယ သမ္ပယုတ္တော ကုသလော ဓမ္မော ဥပ္ပဇ္ဇတိ ဟေတုပစ္စယာ. နအဒုက္ခမသုခါယ ဝေဒနာယ သမ္ပယုတ္တံ နကုသလံ ဓမ္မံ ပစ္စယာ သုခါယ ဝေဒနာယ သမ္ပယုတ္တော ကုသလော ဓမ္မော ဥပ္ပဇ္ဇတိ ဟေတုပစ္စယာ… ဒွေ. (စတ္တာရိ ဂဏိတကေန ဒွေ ဒွေ ပဉှာ ကာတဗ္ဗာ. သံခိတ္တံ.)
ဟေတုယာ စုဒ္ဒသ …ပေ… အဝိဂတေ စုဒ္ဒသ. (ဝိပါကံ နတ္ထိ.)
နသုခါယ ဝေဒနာယ သမ္ပယုတ္တံ နအကုသလံ ဓမ္မံ ပစ္စယာ သုခါယ ဝေဒနာယ သမ္ပယုတ္တော အကုသလော ဓမ္မော ဥပ္ပဇ္ဇတိ ဟေတုပစ္စယာ. နသုခါယ ဝေဒနာယ သမ္ပယုတ္တံ နအကုသလံ ဓမ္မံ ပစ္စယာ ဒုက္ခာယ ဝေဒနာယ သမ္ပယုတ္တော အကုသလော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.)
ဟေတုယာ ဧကဝီသ …ပေ… အဝိဂတေ ဧကဝီသ. (ဝိပါကံ နတ္ထိ.)
နသုခါယ ဝေဒနာယ သမ္ပယုတ္တော နအဗျာကတော ဓမ္မော သုခါယ ဝေဒနာယ သမ္ပယုတ္တဿ အဗျာကတဿ ဓမ္မဿ အာရမ္မဏပစ္စယေန ပစ္စယော.
အာရမ္မဏေ စုဒ္ဒသ, အဓိပတိယာ ဒွါဒသ, အနန္တရေ တေရသ, ဥပနိဿယေ ဧကဝီသ, ကမ္မေ သတ္တရသ, နတ္ထိယာ ဝိဂတေ တေရသ.