44 သနိဒဿနတ္တိက, ဝိတက္ကတ္တိက
Review
53.
168
နသနိဒဿနသပ္ပဋိဃံ နသဝိတက္ကသဝိစာရံ ဓမ္မံ ပဋိစ္စ အနိဒဿနအပ္ပဋိဃော သဝိတက္ကသဝိစာရော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ …ပေ… အဝိဂတေ တီဏိ.
169
နသနိဒဿနသပ္ပဋိဃံ နအဝိတက္ကဝိစာရမတ္တံ ဓမ္မံ ပဋိစ္စ အနိဒဿနအပ္ပဋိဃော အဝိတက္ကဝိစာရမတ္တော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ …ပေ… အဝိဂတေ တီဏိ.
170
နသနိဒဿနသပ္ပဋိဃံ နအဝိတက္ကအဝိစာရံ ဓမ္မံ ပဋိစ္စ သနိဒဿနသပ္ပဋိဃော အဝိတက္ကအဝိစာရော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ ဧကဝီသ, အာရမ္မဏေ တီဏိ …ပေ… အဝိဂတေ ဧကဝီသ.