51 သနိဒဿနတ္တိက, ပရိတ္တာရမ္မဏတ္တိက
Review
60.
189
နသနိဒဿနသပ္ပဋိဃံ နပရိတ္တာရမ္မဏံ ဓမ္မံ ပဋိစ္စ အနိဒဿနအပ္ပဋိဃော ပရိတ္တာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ …ပေ… အဝိဂတေ တီဏိ.
190
နသနိဒဿနသပ္ပဋိဃံ နမဟဂ္ဂတာရမ္မဏံ ဓမ္မံ ပစ္စယာ အနိဒဿနအပ္ပဋိဃော မဟဂ္ဂတာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ …ပေ… အဝိဂတေ တီဏိ.
191
နသနိဒဿနသပ္ပဋိဃံ နအပ္ပမာဏာရမ္မဏံ ဓမ္မံ ပစ္စယာ အနိဒဿနအပ္ပဋိဃော အပ္ပမာဏာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ …ပေ… အဝိဂတေ တီဏိ.