21 သရဏဒုက, မဟန္တရဒုကာဒိ
နသရဏံ နသာရမ္မဏံ ဓမ္မံ ပဋိစ္စ အရဏော သာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ ဧကံ …ပေ… အဝိဂတေ ဧကံ.
နသရဏံ နအနာရမ္မဏံ ဓမ္မံ ပဋိစ္စ အရဏော အနာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. နအရဏံ နအနာရမ္မဏံ ဓမ္မံ ပဋိစ္စ အရဏော အနာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ ဒွေ, အဓိပတိယာ ဒွေ …ပေ… ဝိပါကေ ဧကံ …ပေ… အဝိဂတေ ဒွေ.
နသရဏံ နစိတ္တံ ဓမ္မံ ပဋိစ္စ အရဏော စိတ္တော ဓမ္မော ဥပ္ပဇ္ဇတိ ဟေတုပစ္စယာ. နအရဏံ နစိတ္တံ ဓမ္မံ ပဋိစ္စ သရဏော စိတ္တော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ ဒွေ …ပေ… ဝိပါကေ ဧကံ …ပေ… အဝိဂတေ ဒွေ.
နသရဏံ နစေတသိကံ ဓမ္မံ ပဋိစ္စ အရဏော စေတသိကော ဓမ္မော ဥပ္ပဇ္ဇတိ ဟေတုပစ္စယာ. နအရဏံ နစေတသိကံ ဓမ္မံ ပဋိစ္စ သရဏော စေတသိကော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ ဒွေ …ပေ… ဝိပါကေ ဧကံ …ပေ… အဝိဂတေ ဒွေ.
နသရဏံ နစိတ္တသမ္ပယုတ္တံ ဓမ္မံ ပဋိစ္စ အရဏော စိတ္တသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. နအရဏံ နစိတ္တသမ္ပယုတ္တံ ဓမ္မံ ပဋိစ္စ သရဏော စိတ္တသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ ဒွေ …ပေ… အဝိဂတေ ဒွေ.
နသရဏံ နစိတ္တသံသဋ္ဌံ ဓမ္မံ ပဋိစ္စ အရဏော စိတ္တသံသဋ္ဌော ဓမ္မော ဥပ္ပဇ္ဇတိ ဟေတုပစ္စယာ. နအရဏံ နစိတ္တသံသဋ္ဌံ ဓမ္မံ ပဋိစ္စ သရဏော စိတ္တသံသဋ္ဌော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ ဒွေ …ပေ… အဝိဂတေ ဒွေ.