4 ဟေတုဒုက, အာသဝဂေါစ္ဆက

👁️ Review

ဒုကဒုကပဋ္ဌာနပါဠိ›4 ဟေတုဒုက, အာသဝဂေါစ္ဆက

14.

32

နဟေတုံ နောအာသဝံ ဓမ္မံ ပဋိစ္စ ဟေတု အာသဝေါ ဓမ္မော ဥပ္ပဇ္ဇတိ ဟေတုပစ္စယာ. နဟေတုံ နောအာသဝံ ဓမ္မံ ပဋိစ္စ နဟေတု အာသဝေါ ဓမ္မော ဥပ္ပဇ္ဇတိ ဟေတုပစ္စယာ. နဟေတုံ နောအာသဝံ ဓမ္မံ ပဋိစ္စ ဟေတု အာသဝေါ စ နဟေတု အာသဝေါ စ ဓမ္မာ ဥပ္ပဇ္ဇန္တိ ဟေတုပစ္စယာ…  တီဏိ.

33

နနဟေတုံ နောအာသဝံ ဓမ္မံ ပဋိစ္စ ဟေတု အာသဝေါ ဓမ္မော ဥပ္ပဇ္ဇတိ ဟေတုပစ္စယာ…  ဧကံ.

34

နဟေတုံ နောအာသဝဉ္စ နနဟေတုံ နောအာသဝဉ္စ ဓမ္မံ ပဋိစ္စ ဟေတု အာသဝေါ ဓမ္မော ဥပ္ပဇ္ဇတိ ဟေတုပစ္စယာ…  ဧကံ. (သံခိတ္တံ.) ဟေတုယာ ပဉ္စ …ပေ…  အဝိဂတေ ပဉ္စ.

35

နဟေတုံ နနောအာသဝံ ဓမ္မံ ပဋိစ္စ နဟေတု နောအာသဝေါ ဓမ္မော ဥပ္ပဇ္ဇတိ ဟေတုပစ္စယာ…  ဧကံ.

36

နနဟေတုံ နနောအာသဝံ ဓမ္မံ ပဋိစ္စ နဟေတု နောအာသဝေါ ဓမ္မော ဥပ္ပဇ္ဇတိ ဟေတုပစ္စယာ. နနဟေတုံ နနောအာသဝံ ဓမ္မံ ပဋိစ္စ ဟေတု နောအာသဝေါ ဓမ္မော ဥပ္ပဇ္ဇတိ ဟေတုပစ္စယာ. နနဟေတုံ နနောအာသဝံ ဓမ္မံ ပဋိစ္စ ဟေတု နောအာသဝေါ စ နဟေတု နောအာသဝေါ စ ဓမ္မာ ဥပ္ပဇ္ဇန္တိ ဟေတုပစ္စယာ…  တီဏိ.

37

နဟေတုံ နနောအာသဝဉ္စ နနဟေတုံ နနောအာသဝဉ္စ ဓမ္မံ ပဋိစ္စ နဟေတု နောအာသဝေါ ဓမ္မော ဥပ္ပဇ္ဇတိ ဟေတုပစ္စယာ…  ဧကံ. (သံခိတ္တံ.) ဟေတုယာ ပဉ္စ …ပေ…  အဝိဂတေ ပဉ္စ.

15.

38

နဟေတုံ နသာသဝံ ဓမ္မံ ပဋိစ္စ နဟေတု သာသဝေါ ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ, အဓိပတိယာ တီဏိ …ပေ…  အဝိဂတေ တီဏိ.

39

နဟေတုံ နအနာသဝံ ဓမ္မံ ပစ္စယာ ဟေတု အနာသဝေါ ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ …ပေ…  အဝိဂတေ တီဏိ.

16.

40

နနဟေတုံ နအာသဝသမ္ပယုတ္တံ ဓမ္မံ ပဋိစ္စ နဟေတု အာသဝသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ …ပေ…  အဝိဂတေ တီဏိ.

41

နဟေတုံ နအာသဝဝိပ္ပယုတ္တံ ဓမ္မံ ပဋိစ္စ ဟေတု အာသဝဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ နဝ, အာရမ္မဏေ တီဏိ …ပေ…  အဝိဂတေ နဝ.

17.

42

နဟေတုံ နအာသဝဉ္စေဝ နအနာသဝဉ္စ ဓမ္မံ ပဋိစ္စ ဟေတု အာသဝေါ စေဝ သာသဝေါ စ ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ ပဉ္စ …ပေ…  အဝိဂတေ ပဉ္စ.

43

နဟေတုံ နအနာသဝဉ္စေဝ နနော စ အာသဝံ ဓမ္မံ ပဋိစ္စ နဟေတု သာသဝေါ စေဝ နော စ အာသဝေါ ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ ပဉ္စ …ပေ…  အဝိဂတေ ပဉ္စ.

18.

44

နဟေတုံ နအာသဝဉ္စေဝ နအာသဝဝိပ္ပယုတ္တဉ္စ ဓမ္မံ ပဋိစ္စ ဟေတု အာသဝေါ စေဝ အာသဝသမ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ …ပေ…  အဝိဂတေ တီဏိ.

45

နဟေတုံ နအာသဝဝိပ္ပယုတ္တဉ္စေဝ နနော စ အာသဝံ ဓမ္မံ ပဋိစ္စ နဟေတု အာသဝသမ္ပယုတ္တော စေဝ နော စ အာသဝေါ ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ …ပေ…  အဝိဂတေ တီဏိ.

19.

46

နဟေတုံ အာသဝဝိပ္ပယုတ္တံ နသာသဝံ ဓမ္မံ ပဋိစ္စ နဟေတု အာသဝဝိပ္ပယုတ္တော သာသဝေါ ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ, အဓိပတိယာ တီဏိ …ပေ…  အဝိဂတေ တီဏိ.

47

နဟေတုံ အာသဝဝိပ္ပယုတ္တံ နအနာသဝံ ဓမ္မံ ပစ္စယာ ဟေတု အာသဝဝိပ္ပယုတ္တော အနာသဝေါ ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ …ပေ…  အဝိဂတေ တီဏိ.