3.2.1 အနုလောမ
» ယော စက္ခုန္ဒြိယံ ပရိဇာနိတ္ထ သော ဒေါမနဿိန္ဒြိယံ ပဇဟိတ္ထာတိ? အာမန္တာ.
« ယော ဝါ ပန ဒေါမနဿိန္ဒြိယံ ပဇဟိတ္ထ သော စက္ခုန္ဒြိယံ ပရိဇာနိတ္ထာတိ?
ဒွေ ပုဂ္ဂလာ ဒေါမနဿိန္ဒြိယံ ပဇဟိတ္ထ, နော စ စက္ခုန္ဒြိယံ ပရိဇာနိတ္ထ. အရဟာ ဒေါမနဿိန္ဒြိယဉ္စ ပဇဟိတ္ထ စက္ခုန္ဒြိယဉ္စ ပရိဇာနိတ္ထ.
» ယော စက္ခုန္ဒြိယံ ပရိဇာနိတ္ထ သော အနညာတညဿာမီတိန္ဒြိယံ ဘာဝိတ္ထာတိ? အာမန္တာ.
« ယော ဝါ ပန အနညာတညဿာမီတိန္ဒြိယံ ဘာဝိတ္ထ သော စက္ခုန္ဒြိယံ ပရိဇာနိတ္ထာတိ?
ဆ ပုဂ္ဂလာ အနညာတညဿာမီတိန္ဒြိယံ ဘာဝိတ္ထ, နော စ စက္ခုန္ဒြိယံ ပရိဇာနိတ္ထ. အရဟာ အနညာတညဿာမီတိန္ဒြိယဉ္စ ဘာဝိတ္ထ စက္ခုန္ဒြိယဉ္စ ပရိဇာနိတ္ထ.
» ယော စက္ခုန္ဒြိယံ ပရိဇာနိတ္ထ သော အညိန္ဒြိယံ ဘာဝိတ္ထာတိ? အာမန္တာ.
« ယော ဝါ ပန အညိန္ဒြိယံ ဘာဝိတ္ထ သော စက္ခုန္ဒြိယံ ပရိဇာနိတ္ထာတိ? အာမန္တာ.
» ယော စက္ခုန္ဒြိယံ ပရိဇာနိတ္ထ သော အညာတာဝိန္ဒြိယံ သစ္ဆိကရိတ္ထာတိ?
ယော အဂ္ဂဖလံ သစ္ဆိကရောတိ သော စက္ခုန္ဒြိယံ ပရိဇာနိတ္ထ, နော စ အညာတာဝိန္ဒြိယံ သစ္ဆိကရိတ္ထ. ယော အဂ္ဂဖလံ သစ္ဆာကာသိ သော စက္ခုန္ဒြိယဉ္စ ပရိဇာနိတ္ထ အညာတာဝိန္ဒြိယဉ္စ သစ္ဆိကရိတ္ထ.
« ယော ဝါ ပန အညာတာဝိန္ဒြိယံ သစ္ဆိကရိတ္ထ သော စက္ခုန္ဒြိယံ ပရိဇာနိတ္ထာတိ? အာမန္တာ. (စက္ခုန္ဒြိယမူလကံ.)
» ယော ဒေါမနဿိန္ဒြိယံ ပဇဟိတ္ထ သော အနညာတညဿာမီတိန္ဒြိယံ ဘာဝိတ္ထာတိ? အာမန္တာ.
« ယော ဝါ ပန အနညာတညဿာမီတိန္ဒြိယံ ဘာဝိတ္ထ သော ဒေါမနဿိန္ဒြိယံ ပဇဟိတ္ထာတိ?
စတ္တာရော ပုဂ္ဂလာ အနညာတညဿာမီတိန္ဒြိယံ ဘာဝိတ္ထ, နော စ ဒေါမနဿိန္ဒြိယံ ပဇဟိတ္ထ. တယော ပုဂ္ဂလာ အနညာတညဿာမီတိန္ဒြိယဉ္စ ဘာဝိတ္ထ ဒေါမနဿိန္ဒြိယဉ္စ ပဇဟိတ္ထ.
» ယော ဒေါမနဿိန္ဒြိယံ ပဇဟိတ္ထ သော အညိန္ဒြိယံ ဘာဝိတ္ထာတိ?
ဒွေ ပုဂ္ဂလာ ဒေါမနဿိန္ဒြိယံ ပဇဟိတ္ထ, နော စ အညိန္ဒြိယံ ဘာဝိတ္ထ. အရဟာ ဒေါမနဿိန္ဒြိယဉ္စ ပဇဟိတ္ထ အညိန္ဒြိယဉ္စ ဘာဝိတ္ထ.
« ယော ဝါ ပန အညိန္ဒြိယံ ဘာဝိတ္ထ သော ဒေါမနဿိန္ဒြိယံ ပဇဟိတ္ထာတိ? အာမန္တာ.
» ယော ဒေါမနဿိန္ဒြိယံ ပဇဟိတ္ထ သော အညာတာဝိန္ဒြိယံ သစ္ဆိကရိတ္ထာတိ?
တယော ပုဂ္ဂလာ ဒေါမနဿိန္ဒြိယံ ပဇဟိတ္ထ, နော စ အညာတာဝိန္ဒြိယံ သစ္ဆိကရိတ္ထ. အရဟာ ဒေါမနဿိန္ဒြိယဉ္စ ပဇဟိတ္ထ အညာတာဝိန္ဒြိယဉ္စ သစ္ဆိကရိတ္ထ.
« ယော ဝါ ပန အညာတာဝိန္ဒြိယံ သစ္ဆိကရိတ္ထ သော ဒေါမနဿိန္ဒြိယံ ပဇဟိတ္ထာတိ? အာမန္တာ. (ဒေါမနဿိန္ဒြိယမူလကံ.)
» ယော အနညာတညဿာမီတိန္ဒြိယံ ဘာဝိတ္ထ သော အညိန္ဒြိယံ ဘာဝိတ္ထာတိ?
ဆ ပုဂ္ဂလာ အနညာတညဿာမီတိန္ဒြိယံ ဘာဝိတ္ထ, နော စ အညိန္ဒြိယံ ဘာဝိတ္ထ. အရဟာ အနညာတညဿာမီတိန္ဒြိယဉ္စ ဘာဝိတ္ထ အညိန္ဒြိယဉ္စ ဘာဝိတ္ထ.
« ယော ဝါ ပန အညိန္ဒြိယံ ဘာဝိတ္ထ သော အနညာတညဿာမီတိန္ဒြိယံ ဘာဝိတ္ထာတိ? အာမန္တာ.
» ယော အနညာတညဿာမီတိန္ဒြိယံ ဘာဝိတ္ထ သော အညာတာဝိန္ဒြိယံ သစ္ဆိကရိတ္ထာတိ?
သတ္တ ပုဂ္ဂလာ အနညာတညဿာမီတိန္ဒြိယံ ဘာဝိတ္ထ, နော စ အညာတာဝိန္ဒြိယံ သစ္ဆိကရိတ္ထ. အရဟာ အနညာတညဿာမီတိန္ဒြိယဉ္စ ဘာဝိတ္ထ အညာတာဝိန္ဒြိယဉ္စ သစ္ဆိကရိတ္ထ.
« ယော ဝါ ပန အညာတာဝိန္ဒြိယံ သစ္ဆိကရိတ္ထ သော အနညာတညဿာမီတိန္ဒြိယံ ဘာဝိတ္ထာတိ? အာမန္တာ. (အနညာတညဿာမီတိန္ဒြိယမူလကံ.)
» ယော အညိန္ဒြိယံ ဘာဝိတ္ထ သော အညာတာဝိန္ဒြိယံ သစ္ဆိကရိတ္ထာတိ?
ယော အဂ္ဂဖလံ သစ္ဆိကရောတိ သော အညိန္ဒြိယံ ဘာဝိတ္ထ, နော စ အညာတာဝိန္ဒြိယံ သစ္ဆိကရိတ္ထ. ယော အဂ္ဂဖလံ သစ္ဆာကာသိ သော အညိန္ဒြိယဉ္စ ဘာဝိတ္ထ အညာတာဝိန္ဒြိယဉ္စ သစ္ဆိကရိတ္ထ.
« ယော ဝါ ပန အညာတာဝိန္ဒြိယံ သစ္ဆိကရိတ္ထ သော အညိန္ဒြိယံ ဘာဝိတ္ထာတိ? အာမန္တာ. (အညိန္ဒြိယမူလကံ.)