3.2.2 ပစ္စနီက
» ယော စက္ခုန္ဒြိယံ န ပရိဇာနိတ္ထ သော ဒေါမနဿိန္ဒြိယံ နပ္ပဇဟိတ္ထာတိ?
ဒွေ ပုဂ္ဂလာ စက္ခုန္ဒြိယံ န ပရိဇာနိတ္ထ, နော စ ဒေါမနဿိန္ဒြိယံ နပ္ပဇဟိတ္ထ. ဆ ပုဂ္ဂလာ စက္ခုန္ဒြိယဉ္စ န ပရိဇာနိတ္ထ ဒေါမနဿိန္ဒြိယဉ္စ နပ္ပဇဟိတ္ထ.
« ယော ဝါ ပန ဒေါမနဿိန္ဒြိယံ နပ္ပဇဟိတ္ထ သော စက္ခုန္ဒြိယံ န ပရိဇာနိတ္ထာတိ? အာမန္တာ.
» ယော စက္ခုန္ဒြိယံ န ပရိဇာနိတ္ထ သော အနညာတညဿာမီတိန္ဒြိယံ န ဘာဝိတ္ထာတိ?
ဆ ပုဂ္ဂလာ စက္ခုန္ဒြိယံ န ပရိဇာနိတ္ထ, နော စ အနညာတညဿာမီတိန္ဒြိယံ န ဘာဝိတ္ထ. ဒွေ ပုဂ္ဂလာ စက္ခုန္ဒြိယဉ္စ န ပရိဇာနိတ္ထ အနညာတညဿာမီတိန္ဒြိယဉ္စ န ဘာဝိတ္ထ.
« ယော ဝါ ပန အနညာတညဿာမီတိန္ဒြိယံ န ဘာဝိတ္ထ သော စက္ခုန္ဒြိယံ န ပရိဇာနိတ္ထာတိ? အာမန္တာ.
» ယော စက္ခုန္ဒြိယံ န ပရိဇာနိတ္ထ သော အညိန္ဒြိယံ န ဘာဝိတ္ထာတိ? အာမန္တာ.
« ယော ဝါ ပန အညိန္ဒြိယံ န ဘာဝိတ္ထ သော စက္ခုန္ဒြိယံ န ပရိဇာနိတ္ထာတိ? အာမန္တာ.
» ယော စက္ခုန္ဒြိယံ န ပရိဇာနိတ္ထ သော အညာတာဝိန္ဒြိယံ န သစ္ဆိကရိတ္ထာတိ? အာမန္တာ.
« ယော ဝါ ပန အညာတာဝိန္ဒြိယံ န သစ္ဆိကရိတ္ထ သော စက္ခုန္ဒြိယံ န ပရိဇာနိတ္ထာတိ?
ယော အဂ္ဂဖလံ သစ္ဆိကရောတိ သော အညာတာဝိန္ဒြိယံ န သစ္ဆိကရိတ္ထ, နော စ စက္ခုန္ဒြိယံ န ပရိဇာနိတ္ထ. အဋ္ဌ ပုဂ္ဂလာ အညာတာဝိန္ဒြိယဉ္စ န သစ္ဆိကရိတ္ထ စက္ခုန္ဒြိယဉ္စ န ပရိဇာနိတ္ထ. (စက္ခုန္ဒြိယမူလကံ.)
» ယော ဒေါမနဿိန္ဒြိယံ နပ္ပဇဟိတ္ထ သော အနညာတညဿာမီတိန္ဒြိယံ န ဘာဝိတ္ထာတိ?
စတ္တာရော ပုဂ္ဂလာ ဒေါမနဿိန္ဒြိယံ နပ္ပဇဟိတ္ထ, နော စ အနညာတညဿာမီတိန္ဒြိယံ န ဘာဝိတ္ထ. ဒွေ ပုဂ္ဂလာ ဒေါမနဿိန္ဒြိယဉ္စ နပ္ပဇဟိတ္ထ အနညာတညဿာမီတိန္ဒြိယဉ္စ န ဘာဝိတ္ထ.
« ယော ဝါ ပန အနညာတညဿာမီတိန္ဒြိယံ န ဘာဝိတ္ထ သော ဒေါမနဿိန္ဒြိယံ နပ္ပဇဟိတ္ထာတိ? အာမန္တာ.
» ယော ဒေါမနဿိန္ဒြိယံ နပ္ပဇဟိတ္ထ သော အညိန္ဒြိယံ န ဘာဝိတ္ထာတိ? အာမန္တာ.
« ယော ဝါ ပန အညိန္ဒြိယံ န ဘာဝိတ္ထ သော ဒေါမနဿိန္ဒြိယံ နပ္ပဇဟိတ္ထာတိ?
ဒွေ ပုဂ္ဂလာ အညိန္ဒြိယံ န ဘာဝိတ္ထ, နော စ ဒေါမနဿိန္ဒြိယံ နပ္ပဇဟိတ္ထ. ဆ ပုဂ္ဂလာ အညိန္ဒြိယဉ္စ န ဘာဝိတ္ထ ဒေါမနဿိန္ဒြိယဉ္စ နပ္ပဇဟိတ္ထ.
» ယော ဒေါမနဿိန္ဒြိယံ နပ္ပဇဟိတ္ထ သော အညာတာဝိန္ဒြိယံ န သစ္ဆိကရိတ္ထာတိ? အာမန္တာ.
« ယော ဝါ ပန အညာတာဝိန္ဒြိယံ န သစ္ဆိကရိတ္ထ သော ဒေါမနဿိန္ဒြိယံ နပ္ပဇဟိတ္ထာတိ?
တယော ပုဂ္ဂလာ အညာတာဝိန္ဒြိယံ န သစ္ဆိကရိတ္ထ, နော စ ဒေါမနဿိန္ဒြိယံ နပ္ပဇဟိတ္ထ. ဆ ပုဂ္ဂလာ အညာတာဝိန္ဒြိယဉ္စ န သစ္ဆိကရိတ္ထ ဒေါမနဿိန္ဒြိယဉ္စ နပ္ပဇဟိတ္ထ. (ဒေါမနဿိန္ဒြိယမူလကံ.)
» ယော အနညာတညဿာမီတိန္ဒြိယံ န ဘာဝိတ္ထ သော အညိန္ဒြိယံ န ဘာဝိတ္ထာတိ? အာမန္တာ.
« ယော ဝါ ပန အညိန္ဒြိယံ န ဘာဝိတ္ထ သော အနညာတညဿာမီတိန္ဒြိယံ န ဘာဝိတ္ထာတိ?
ဆ ပုဂ္ဂလာ အညိန္ဒြိယံ န ဘာဝိတ္ထ, နော စ အနညာတညဿာမီတိန္ဒြိယံ န ဘာဝိတ္ထ. ဒွေ ပုဂ္ဂလာ အညိန္ဒြိယဉ္စ န ဘာဝိတ္ထ အနညာတညဿာမီတိန္ဒြိယဉ္စ န ဘာဝိတ္ထ.
» ယော အနညာတညဿာမီတိန္ဒြိယံ န ဘာဝိတ္ထ သော အညာတာဝိန္ဒြိယံ န သစ္ဆိကရိတ္ထာတိ? အာမန္တာ.
« ယော ဝါ ပန အညာတာဝိန္ဒြိယံ န သစ္ဆိကရိတ္ထ သော အနညာတညဿာမီတိန္ဒြိယံ န ဘာဝိတ္ထာတိ?
သတ္တ ပုဂ္ဂလာ အညာတာဝိန္ဒြိယံ န သစ္ဆိကရိတ္ထ, နော စ အနညာတညဿာမီတိန္ဒြိယံ န ဘာဝိတ္ထ. ဒွေ ပုဂ္ဂလာ အညာတာဝိန္ဒြိယဉ္စ န သစ္ဆိကရိတ္ထ အနညာတညဿာမီတိန္ဒြိယဉ္စ န ဘာဝိတ္ထ. (အနညာတညဿာမီတိန္ဒြိယမူလကံ.)
» ယော အညိန္ဒြိယံ န ဘာဝိတ္ထ သော အညာတာဝိန္ဒြိယံ န သစ္ဆိကရိတ္ထာတိ? အာမန္တာ.
« ယော ဝါ ပန အညာတာဝိန္ဒြိယံ န သစ္ဆိကရိတ္ထ သော အညိန္ဒြိယံ န ဘာဝိတ္ထာတိ?
ယော အဂ္ဂဖလံ သစ္ဆိကရောတိ သော အညာတာဝိန္ဒြိယံ န သစ္ဆိကရိတ္ထ, နော စ အညိန္ဒြိယံ န ဘာဝိတ္ထ. အဋ္ဌ ပုဂ္ဂလာ အညာတာဝိန္ဒြိယဉ္စ န သစ္ဆိကရိတ္ထ အညိန္ဒြိယဉ္စ န ဘာဝိတ္ထ. (အညိန္ဒြိယမူလကံ.)