3.4 ပစ္စုပ္ပန္နာတီတဝါရ
Review
209.
975
» ယော ရူပက္ခန္ဓံ ပရိဇာနာတိ သော ဝေဒနာက္ခန္ဓံ ပရိဇာနိတ္ထာတိ? နော.
976
« ယော ဝါ ပန ဝေဒနာက္ခန္ဓံ ပရိဇာနိတ္ထ သော ရူပက္ခန္ဓံ ပရိဇာနာတီတိ? နော.
977
» ယော ရူပက္ခန္ဓံ န ပရိဇာနာတိ သော ဝေဒနာက္ခန္ဓံ န ပရိဇာနိတ္ထာတိ?
978
အရဟာ ရူပက္ခန္ဓံ န ပရိဇာနာတိ, နော စ ဝေဒနာက္ခန္ဓံ န ပရိဇာနိတ္ထ. အဂ္ဂမဂ္ဂသမင်္ဂိဉ္စ အရဟန္တဉ္စ ဌပေတွာ အဝသေသာ ပုဂ္ဂလာ ရူပက္ခန္ဓဉ္စ န ပရိဇာနန္တိ ဝေဒနာက္ခန္ဓဉ္စ န ပရိဇာနိတ္ထ.
979
« ယော ဝါ ပန ဝေဒနာက္ခန္ဓံ န ပရိဇာနိတ္ထ သော ရူပက္ခန္ဓံ န ပရိဇာနာတီတိ?
980
အဂ္ဂမဂ္ဂသမင်္ဂီ ဝေဒနာက္ခန္ဓံ န ပရိဇာနိတ္ထ, နော စ ရူပက္ခန္ဓံ န ပရိဇာနာတိ. အဂ္ဂမဂ္ဂသမင်္ဂိဉ္စ အရဟန္တဉ္စ ဌပေတွာ အဝသေသာ ပုဂ္ဂလာ ဝေဒနာက္ခန္ဓဉ္စ န ပရိဇာနိတ္ထ ရူပက္ခန္ဓဉ္စ န ပရိဇာနန္တိ.