3.6 အတီတာနာဂတဝါရ
Review
211.
987
» ယော ရူပက္ခန္ဓံ ပရိဇာနိတ္ထ သော ဝေဒနာက္ခန္ဓံ ပရိဇာနိဿတီတိ? နော.
988
« ယော ဝါ ပန ဝေဒနာက္ခန္ဓံ ပရိဇာနိဿတိ သော ရူပက္ခန္ဓံ ပရိဇာနိတ္ထာတိ? နော.
989
» ယော ရူပက္ခန္ဓံ န ပရိဇာနိတ္ထ သော ဝေဒနာက္ခန္ဓံ န ပရိဇာနိဿတီတိ?
990
ယေ မဂ္ဂံ ပဋိလဘိဿန္တိ တေ ရူပက္ခန္ဓံ န ပရိဇာနိတ္ထ, နော စ ဝေဒနာက္ခန္ဓံ န ပရိဇာနိဿန္တိ. အဂ္ဂမဂ္ဂသမင်္ဂီ ယေ စ ပုထုဇ္ဇနာ မဂ္ဂံ န ပဋိလဘိဿန္တိ တေ ရူပက္ခန္ဓဉ္စ န ပရိဇာနိတ္ထ ဝေဒနာက္ခန္ဓဉ္စ န ပရိဇာနိဿန္တိ.
991
« ယော ဝါ ပန ဝေဒနာက္ခန္ဓံ န ပရိဇာနိဿတိ သော ရူပက္ခန္ဓံ န ပရိဇာနိတ္ထာတိ?
992
အရဟာ ဝေဒနာက္ခန္ဓံ န ပရိဇာနိဿတိ, နော စ ရူပက္ခန္ဓံ န ပရိဇာနိတ္ထ. အဂ္ဂမဂ္ဂသမင်္ဂီ ယေ စ ပုထုဇ္ဇနာ မဂ္ဂံ န ပဋိလဘိဿန္တိ တေ ဝေဒနာက္ခန္ဓဉ္စ န ပရိဇာနိဿန္တိ ရူပက္ခန္ဓဉ္စ န ပရိဇာနိတ္ထ.
993
ပရိညာဝါရော.
994
ခန္ဓယမကပါဠိ နိဋ္ဌိတာ.