3.4 ပစ္စုပ္ပန္နာတီတဝါရ
Review
252.
1922
» ယော စက္ခာယတနံ ပရိဇာနာတိ သော သောတာယတနံ ပရိဇာနိတ္ထာတိ? နော.
1923
« ယော ဝါ ပန သောတာယတနံ ပရိဇာနိတ္ထ သော စက္ခာယတနံ ပရိဇာနာတီတိ? နော.
1924
» ယော စက္ခာယတနံ န ပရိဇာနာတိ သော သောတာယတနံ န ပရိဇာနိတ္ထာတိ?
1925
အရဟာ စက္ခာယတနံ န ပရိဇာနာတိ, နော စ သောတာယတနံ န ပရိဇာနိတ္ထ. အဂ္ဂမဂ္ဂသမင်္ဂိဉ္စ အရဟန္တဉ္စ ဌပေတွာ အဝသေသာ ပုဂ္ဂလာ စက္ခာယတနဉ္စ န ပရိဇာနန္တိ သောတာယတနဉ္စ န ပရိဇာနိတ္ထ.
1926
« ယော ဝါ ပန သောတာယတနံ န ပရိဇာနိတ္ထ သော စက္ခာယတနံ န ပရိဇာနာတီတိ?
1927
အဂ္ဂမဂ္ဂသမင်္ဂီ သောတာယတနံ န ပရိဇာနိတ္ထ, နော စ စက္ခာယတနံ န ပရိဇာနာတိ. အဂ္ဂမဂ္ဂသမင်္ဂိဉ္စ အရဟန္တဉ္စ ဌပေတွာ အဝသေသာ ပုဂ္ဂလာ သောတာယတနဉ္စ န ပရိဇာနိတ္ထ စက္ခာယတနဉ္စ န ပရိဇာနန္တိ.