3.5 ပစ္စုပ္ပန္နာနာဂတဝါရ
Review
253.
1928
» ယော စက္ခာယတနံ ပရိဇာနာတိ သော သောတာယတနံ ပရိဇာနိဿတီတိ? နော.
1929
« ယော ဝါ ပန သောတာယတနံ ပရိဇာနိဿတိ သော စက္ခာယတနံ ပရိဇာနာတီတိ? နော.
1930
» ယော စက္ခာယတနံ န ပရိဇာနာတိ သော သောတာယတနံ န ပရိဇာနိဿတီတိ?
1931
ယေ မဂ္ဂံ ပဋိလဘိဿန္တိ တေ စက္ခာယတနံ န ပရိဇာနန္တိ, နော စ သောတာယတနံ န ပရိဇာနိဿန္တိ. အရဟာ ယေ စ ပုထုဇ္ဇနာ မဂ္ဂံ န ပဋိလဘိဿန္တိ တေ စက္ခာယတနဉ္စ န ပရိဇာနန္တိ သောတာယတနဉ္စ န ပရိဇာနိဿန္တိ.
1932
« ယော ဝါ ပန သောတာယတနံ န ပရိဇာနိဿတိ သော စက္ခာယတနံ န ပရိဇာနာတီတိ?
1933
အဂ္ဂမဂ္ဂသမင်္ဂီ သောတာယတနံ န ပရိဇာနိဿတိ, နော စ စက္ခာယတနံ န ပရိဇာနာတိ. အရဟာ ယေ စ ပုထုဇ္ဇနာ မဂ္ဂံ န ပဋိလဘိဿန္တိ တေ သောတာယတနဉ္စ န ပရိဇာနိဿန္တိ စက္ခာယတနဉ္စ န ပရိဇာနန္တိ.